GFR SIM basshysy Haıko MAAS «jaqyn kúnderi» Alekseı NAVALNYIGE qatysty oqıǵa boıynsha Reseıden is-áreket kútetinin aıtty, áıtpese Berlın óz seriktesterimen birge qandaı jaýap bolaryn talqylaıdy. Bul týraly «Adyrna» ulttyq portaly RIA Novostı-ge silteme jasap habarlaıdy.
«Ýltımatým eshkimge alǵa jyljýǵa kómektespeıdi. Eger jaqyn kúnderi Reseı tarapynan eshqandaı túsinik bolmasa, biz seriktesterimizben birge qandaı shara qoldanarymyzdy talqylaýymyz kerek», - degen mınıstr Bild am Sonntag tabloıdyna bergen suhbatynda.
Maastyń aıtýynsha, Navalnyıge «shabýyl» «halyqaralyq deńgeıde tyıym salynǵan ólimge ákeletin hımııalyq soǵys quralyn qoldaný arqyly» jasalǵan.
Navalnyıge qatysty jaǵdaıdyń artynda Reseı memleketiniń turǵanyna nelikten senimdi ekendigi týraly suraqqa Maas: «Buǵan qatysty kóptegen nusqaý bar, sondyqtan Reseı tarapy qazir qıyndyqqa tap bolyp otyr», - dep jaýap bergen.
«Biz Reseı úkimeti osy aýyr qylmysty ashady dep úmittenemiz. Eger onyń bul shabýylǵa eshqandaı qatysy bolmasa, ony faktilermen dáleldeý óz múddesinde», - dep qosqan Maas.
Navalnyı 20 tamyz kúni ushaqta aýyryp, Ombydaǵy aýrýhanaǵa túsken. Tekserý nátıjesi boıynsha Omby dárigerleri qandaǵy qanttyń kúrt ózgerýine ákeletin metabolıkalyq buzylysty negizgi dıagnozy retinde kórsetken. Onyń ne sebepten bolǵany áli belgisiz. Alaıda Omby dárigerleriniń aıtýy boıynsha, Navalnyıdiń qany men zárinen ý tabylmaǵan.
Keıinirek Navalnyı Germanııaǵa ushaqpen jetkizildi. Sársenbide GFR úkimeti áskerı dárigerlerge silteme jasaı otyryp, Navalnyıdy «Novıchok» tobynan alynǵan zatpen ýlaǵan dep málimdegen. Osyǵan baılanysty Kreml Berlın Máskeýge onyń tujyrymdary týraly habardar etpegenin, al Reseı SIM Reseı Germanııadan osy jaǵdaı boıynsha resmı suraýǵa jaýap kútetinin aıtqan.
Navalnyı aýrýhanaǵa túsken kúni prokýratýra men polıııa tekserýdi bastady. Reseıdiń Berlındegi elshiligi nemis tarapynan Reseı Bas prokýratýrasynyń 27 tamyzdaǵy Navalnyı isi boıynsha zań kómegin suraýyna jedel jaýap kútetindikterin málimdedi. Reseı jaǵdaıdy anyqtaýǵa múddeli, bul úshin bizge Germanııadan áli aqparat bolǵan joq, bizge aqparat kerek, - dep málimdegen Reseı prezıdentiniń baspasóz hatshysy Dmıtrıı Peskov. Sondaı-aq ol: Navalnyıǵa qatysty tergeý áreketteri is júzinde jalǵasýda, eger ýly zat bar ekendigi rastalsa, tergeý ashyq jáne de-ıýre bolady, - dep habarlaǵan.
Foto ashyq derekkózden alyndy
«Adyrna» ulttyq portaly
