Qazaqstan maýsym aıynan bastap Reseıge qara metal synyqtaryn eksporttaýdy toqtatty. Qazaqstannyń bul sheshimine narazy bolǵan Reseı Eýrazııalyq ekonomıkalyq komıssııaǵa (EEK) shaǵym túsirgen. Bul týraly LS saıty jazdy dep habarlaıdy Abai.kz.
Metal synyqtarynyń ornyna Qazaqstan daıyn ónim retinde bolatty eksporttaıdy. Alaıda EEK Qazaqstannyń bul áreketin odaqtastar arasyndaǵy saýda baılanysyna kedergi keltirdi dep qarastyrady.
Statıstıka komıtetiniń habarlaýynsha, 2019 jyly Qazaqstan Reseıge 203,6 mln dollarǵa 947,8 myń tonna metal synyqtaryn jóneltse, 2020 jyldyń birinshi jartyjyldyǵynda 34,4 myń dollarǵa 283,8 myń tonna synyq eksporttalǵan.
Reseıdiń metallýrgııalyq kompanııasyndaǵy derekkózge súıensek, mamyr aıynan bastap Qazaqstannan jetkiziletin metal synyqtary úsh esege azaıyp, maýsym aıynan bastap eksport tolyǵymen toqtaǵan.
EEK qorytyndysyna sáıkes, 10 maýsymda «Qazaqstan temir jolynyń» enshiles kásiporny - «KTZ-Freight Freight» eksportqa jóneltilgen qara jáne tústi metal synyqtary men qaldyqtary tıelgen vagondardy tasymaldaýǵa tyıym salǵan buıryq shyǵardy. Al, 2018 jyldan bastap Qazaqstanda qara jáne tústi metaldar synyqtary men qaldyqtaryn avtomobılmen tasymaldaýǵa tyıym salynǵan bolatyn.
Barer qurý týraly másele ekijaqty kelissózder kezinde talqylanýy múmkin nemese EEK alqasynyń talqysyna salynady. Istiń sotqa jetýi ekitalaı.
Foto ashyq derekkózden alyndy.
