Qazaqstan Parlamenti aýyr qazaǵa ushyrady. Uzaqqa sozylǵan alty mınóttik aýyr naýqastan Parlament Májilisiniń depýtaty, úıindegi alty, syrttaǵy segiz balanyń ákesi, úıindegi áıeliniń úshinshi kúıeýi, syrttaǵy kóńildesiniń on segizinshi kórpelesi, Myjban MÁNDIRBAEV
bir kózin jumyp, ólip qaldy. Bir kózin ǵana jumǵany, ekinshi kózi jasandy bolatyn. Ittiń balasy Myjban Mándirbaev kózi tirisinde ne istemedi deseńizshi! Ol ylǵı etiginiń, týflıiniń qonyshynan basyp júrdi. Óıtkeni, qolynan keldi: qýdalady, qýalady, qulatty, jylatty, sulatty, jatqyzyp qoıdy, nasybaıyn atqyzyp qoıdy, biraq birde-bireýin qaıtyp turǵyzǵan joq. Marqum ana tiline qarsy bolyp ketti. Ol ómirinde tıtteı jaqsylyq jasamaǵan adam, tipti Qordaıdaǵy qordalanǵan máselelerge tyrs etpedi, "Qazaqty qazaq jala jaýyp sottaı bersin!" degen prınıpten aınymaıdy baıǵus...
Hosh, hosh ıttiń balasy, topyraǵyń balshyq, jatqan jeriń shalshyq bolsyn!
Bir top dushpandary.
Muhtar Sherimniń qyshqyl satırasy,
«Adyrna» ulttyq portaly
