Shved ǵalymdar toby Cell jýrnalynda jarııalaǵan zertteýinde barlyq koronavırýspen aýyrǵandar vırýsty qaıta juqtyrǵan jaǵdaıda ony anyqtap, joıa alatyn T jasýshalary paıda bolady degen boljamyn usyndy.
Zertteý avtorlary COVID-19-dan jazylǵan 206 shvedtiń qanyn zerttep, olarda aýrýdyń aýyrlyǵyna qaramastan turaqty T-jasýshalyq reakııa damyǵanyn anyqtady. T jasýshalary teris antıdeneler synaǵynan ótken naýqastarda da paıda bolǵan.
Ǵalymdardyń aıtýynsha: «T-jad jasýshalary COVID-19-dan uzaq merzim boıy ımmýndyq qorǵanýda óte mańyzdy bolýy múmkin». Olardyń kómegimen vırýstyń qaıtalanýy óte sırek kezdesetin kórinedi. «T-jad jasýshalary aǵzada jyldar boıy qalyp, al aýrý ketken kezde antıdeneler deńgeıi tómendeıdi», - dep túsindirdi ǵalymdar.
Shved ǵalymdarynyń tujyrymdaryn basqa zertteýler de rastaıdy. Mysaly, Nature jýrnalynda jarııalanǵan zertteýde COVID-19 dertinen aıyqqan 36 paıenttiń árqaısynda T-jasýsha paıda bolǵany aıtylǵan. Taǵy bir nemis ǵalymdarynyń zertteý nátıjesinde koronavırýspen 18 paıenttiń 80%-dan astamynda T jasýshasy bolǵan.
Ǵalymdar Sovid-19-ben eshqashan aýyrmaǵan adamdarda da T-jasýshalar bar ekenin tapty. Olar bul nátıjeni qarsy-reaktıvtilik qubylysymen baılanystyrdy: vırýsqa jaýap retinde damıtyn T jasýshalary uqsas, biraq burynyraq basqa belgisiz patogenge reakııa jasaǵan kezde paıda bolǵan.
Sarapshylar bul qarsy-reaktıvti T jasýshalary buryn sýyq tııýdi týdyratyn vırýstyń áserinen bolǵan bolýy múmkin dep sanaıdy. Sondaı-aq epıdemıologtar keıbir paıentterdiń jeńil, endi biriniń qatty aýyrǵanynyń sebebin de osy jasýshamen baılanystyrady.
SARS sııaqty basqa koronavırýstardy zertteý barysynda alynǵan málimetter T jasýshalarynyń ómir súrý uzaqtyǵy ondaǵan jyldar bolýy múmkin ekenin kórsetedi.
«Adyrna» ulttyq portaly
