Bıyl elordalyq muǵalimder alǵash ret "Nur-Sultan qalasynyń qurmetti pedagogi" medalimen marapattalady. Medal ıelerine 830 myń teńgeden (300 AEK) tólenedi. Bul týraly onlaın ótken tamyz keńesinde elorda ákimi Altaı Kólginov aıtty, dep habarlaıdy qala ákimdiginiń resmı saıty.
"Memleket basshylyǵy muǵalimderdiń jaǵdaıyn jaqsartýǵa erekshe kóńil bóledi. "Pedagog mártebesi týraly" zań qabyldandy. Bıylǵy jyldyń 1 qańtarynan bastap muǵalimderdiń jalaqysy 25% - ǵa artty. 2024 jylǵa deıin 25% - ǵa artady. Byltyr biz óz tarapymyzdan turǵyn úı satyp alý úshin áleýmettik járdemaqy túrinde 1 mln. teńge somasyna óteýsiz negizde 275 turǵyn úı sertıfıkatyn bóldik. Osy jyly da muǵalimderdiń turǵyn úı jaǵdaıyn jaqsartýǵa kómektesemiz", - dedi elorda ákimi Altaı Kólginov.
Elorda ákimi bıyl "qazaqstandyq ıpotekalyq uıymmen" birlesip 1 myń áleýmettik páterdi iske asyrý týraly kelisimge qol qoıylǵanyn atap ótti. Bul baspanaǵa muǵalimderden basqa medıına qyzmetkerleri, polıeıler, áleýmettik qyzmetkerler, mádenıet jáne sport qaıratkerleri de úmitker bola alady.
Byltyr jumysyn endi bastaǵan muǵalimderdi qoldaý úshin 350 oryndyq jas pedagogtar úıi salyndy. Qala ákimdigi muǵalimderdiń kásibı damýyna nazar aýdarady: "Ozat" jobasyn iske asyrý aıasynda mektepter men kolledjderdiń 400 muǵalimi RIЅA tapsyrmalaryna bilim alýshylardy daıarlaý boıynsha biliktilikti arttyrý kýrstarynda oqýdan ótti. Kembrıdj ýnıversıtetimen birlesip SHARE jobasy iske qosyldy, muǵalimder birlesip zertteýler júrgizedi, aqparat almasady jáne t. b.
«Adyrna» ulttyq portaly
