Şymkentte «Aqyldy qala» jobasy boiynşa qoǧamdyq qauıpsızdıktı qadaǧalau beinebaqylau kamerasynyŋ kömegımen jüzege asyryluda.
Aǧymdaǧy jyldyŋ jetı aiynda Şymkent qalasynyŋ Polisiia departamentı jedel basqaru ortalyǧynyŋ qyzmetkerlerı nöldık tözımdılık qaǧidasy jäne äkımşılık qūqyqbūzuşylyq boiynşa 26 507 jaitty anyqtaǧan. Olar qoǧamdyq orynda qoqys qaldyǧyn tastau – 502, qoǧamdyq orynda mas halde jürgender - 640, qoǧamdyq orynda qaiyrşylyq jasau – 706, jol erejesın būzǧandar -19 972, basqa da äkımşılık qūqyqbūzuşylyqtar boiynşa 4687 ıs tırkegen.
Sondai-aq, syrtqy beinebaqylau kameralarynyŋ kömegımen poliseiler qylmys belgılerı bar 138 qylmystyŋ betın aşqan. Onyŋ ışınde tonau – 3, būzaqylyq – 15, avtokölıktı zaŋsyz ielenu – 6, ūrlyq – 73, özge de 41 qylmystyŋ ızı suytpai aşqan.
Al, bır täulık ışınde syrtqy beinekameralar arqyly 125 äkımşılık qūqyq būzuşylyq anyqtaǧan. Tırkelgen tärtıp būzuşylyq negızınde äkımşılık hattamalar toltyrylyp, qūqyq būzuşynyŋ mekenjaiyna joldanǧan.
Şymkent qalasy äkımınıŋ baspasöz qyzmetı
