Shymkent qalasynyń ákimi M.Áıtenovke pedagog kadrlardy irikteýdiń «HR-Process» avtomattandyrylǵan aqparattyq-taldaý júıesi tanystyryldy.
Búginde www.hr-process.kz saıtynda pedagogtar men qyzmetkerlerdi jumysqa qabyldaý boıynsha 137 bilim berý uıymy tirkelgen. Qazir 78 bos jumys orny bar.
«HR-Process» júıesi pedogogıkalyq bos orynǵa ótinish berý jáne óńdeý barysyn avtomattandyrýǵa, úmitkerler men bos oryndardyń derekter qoryn qurýǵa, sonymen qatar zamanaýı aqparattyq tehnologııalardy qoldaný negizinde pedagogıkalyq quramdy irikteý proesiniń tıimdiligin arttyrýǵa arnalǵan.
"Memleket basshysy Qasym-Jomart Toqaevtyń tapsyrmasyna sáıkes Shymkentte barlyq salany avtomattandyrý jáne ıfrlandyrý boıynsha birqatar jumystar júrgizýdemiz. Osy saıttyń arqasynda oqytýshy laýazymyna úmitkerler onlaın rejımde jumys taba alady. Pedagogıkalyq quramdy irikteýdi avtomattandyrýdyń maqsaty men artyqshylyǵy úmitkerdi tańdaýda merıtokratııa, jarııalyq jáne aıqyndyq qaǵıdalaryn saqtaý bolyp tabylady", - dedi qala ákimi.
Júıe konkýrstyq ádiske negizdelgen. Arnaıy komıssııa quramyna bilim berý mekemeleriniń dırektory, pán muǵalimderi, psıholog kiredi. Áleýmettik jelilerde konkýrstyq komıssııa otyrysynyń onlaın kórsetilimi júrgiziledi. Baıqaýdyń barlyq nátıjesi saıtta jarııalanatyn bolady.
Aıta ketý kerek, bul joba - pedagogıkalyq qyzmetke úzdik kadrlardy iriktep alýǵa, jemqorlyqtyń aldyn alýǵa múmkindik beredi.
Shymkent qalasy ákiminiń baspasóz qyzmeti
