Arys halqyna arnalǵan qarajattyń 50 mln teńgesin oraldyq sheneýnikter qoldy qylǵan dep habarlaıdy «Adyrna» ulttyq portaly «Astana TV» telearnasyna silteme jasap.
Sybaılas jemqorlyqqa qarsy is-qımyl agenttiginiń habarlaýynsha, paraqorlar qaltaǵa basqan aqshaǵa 46 úıdi jóndeýge bolady eken. Asa iri kólemdegi qarajatty, Batys Qazaqstan oblysynyń Energetıka jáne turǵyn úı-kommýnaldyq sharýashylyq basqarmasynyń laýazymdy tulǵalary jymqyrypty. Osy ýaqytta sotqa deıingi tergeý amaldary júrip jatyr.
Danııar BIGAIDAROV, QR SYBAILAS JEMQORLYQQA QARSY IS-QIMYL AGENTTIGI 1-ShI DEPARTAMENTINIŃ ASA MAŃYZDY ISTER JÓNINDEGI TERGEÝShISI:
- Oblystyq Energetıka jáne turǵyn úı-kommýnaldyq sharýashylyq basqarmasynyń laýazymdy tulǵalary merdiger mekeme ókilderimen sóz baılasqan. Osylaısha, 2019 jyldyń tamyzynan jeltoqsan aılary aralyǵynda 50 mln. teńgeden astam asa iri mólsherdegi bıýdjet qarajatyn jymqyrǵany belgili boldy.
“Adyrna” ulttyq portaly
