Elbasy jıeniniń qaıtys bolý sebebi áli anyqtalyp jatyr. Aldyn ala boljam boıynsha júregi toqtap qalǵan.
Senbiden jeksenbige qaraǵan túni Ulybrıtanııanyń astanasy London qalasynda Aısultan Nazarbaev qaıtys boldy, dep habarlaıdy zakon.kz.
Elbasy jıeniniń qaıtys bolý sebebi anyqtalyp jatyr. Aldyn ala boljam boıynsha júregi toqtap qalǵan. Aısultan Nazarbaev 30 jasta edi.
Aıta ketsek, Aısultan Nazarbaev – Darıǵa Nazarbaeva men Rahat Álıevtiń ekinshi uly. Ony buqaralyq aqparat quraldary kóbinese "prezıdenttiń súıikti jıeni" dep ataıdy.
1990 jyly 26 tamyzda ómirge kelgen. Bala kezden fýtbolǵa qyzyqqan. 2006 jyly Qazaqstannyń jasóspirimder quramasynyń sapynda Eýropa chempınatynyń irikteý týrnırine qatysty. "Chelsı" jáne "Portsmýt" jastar komandalary men qazaqstandyq "Astana" komandasynda oınaǵan.
2013 jyly "QazRomGaz" AQ basshysy Qaırat Boranbaevtyń qyzyna úılengen bolatyn. 2016 jyldyń jazynda eki jastyń otbasynda Amelı esimdi qyz dúnıege keldi.
2019 jyldyń sáýir aıynda Aısultan Nazarbaev feısbýktegi jeke paraqshasynda aty-jónin Aısultan Rahat (Aisultan Rakhat) dep, al otbasylyq jaǵdaıyn "ajyrasqan" dep ózgertken.
Ondaǵy málimetke súıensek, tuńǵysh prezıdenttiń jıeni 2019 jyldyń 5 aqpanynda ajyrasqan.
sputniknews.kz
