Bul jóninde Shymkent qalasynyń ákimi Murat Áıtenov azamattardy jeke máseleleri boıynsha onlaın qabyldaý kezinde aıtty.
Qala basshysynyń onlaın qabyldaýynda bolǵan Aqpan Jumadillá - Aqtas-2 shaǵyn aýdanyndaǵy ınfraqurylym jáne ınternet máselesin sóz qyldy.
«Aqtas-2 shaǵyn aýdanyna aýyz sý, tabıǵı gaz berilýi boıynsha aýdan ákimdigine ótinish berilgen. Alaıda áli kúnge deıin máselemiz sheshilmeı keledi jáne jańa oqý jylyna qaraı ınternet jaıy da sheshilse eken», - dedi ol.
Murat Áıtenov atalǵan shaǵyn aýdanǵa aýyz sý júrgizý úshin jobalyq smetalyq qujattary daıyndalyp jatqanyn jetkizdi.
«Tabıǵı gaz jelisi qurylysynyń jobasy ázirlenip, maýsym aıynda jumystar bastalǵan. Saraptama qorytyndysy shyqsa, bıýdjetten qarjy qaralyp, gaz qubyrlaryn tartý jumystary júrgiziledi. Al ınternetke keler bolsaq, qalada 43 núktege baılanys stanııasyn ornatý jumystary júrgizilýde. Sonyń ishinde Aqtas-2 shaǵyn aýdanyna da ornatylatyn bolady» - deıdi ákim.
Sondaı-aq, onlaın qabyldaýy barysynda jer ýchaskesin zańsyz basqa azamattarǵa berilgenin aıtqan Ulbolǵan Meldebaevanyń máselesin qala ákimi jeke baqylaýyna aldy. Murat Dúısenbekuly turǵynnyń aryzy boıynsha QR aýylsharýashylyǵy mınıstrliginiń jer resýrstaryn baqylaý komıtetine tıisti tekserý júrgizý úshin hat joldanǵanyn, tekserý nátıjesi boıynsha zańǵa sáıkes jumys júrgiziletinin aıtty.
Qala ákiminiń azamattardy onlaın qabyldaýy barysynda jol qurylysy, turǵyn úı kezegine qatysty turǵyndardyń aryz-shaǵymy tyńdaldy. Murat Áıtenov basqarma basshylaryna zań aıasynda tıisti shara qoldanyp, azamattardyń saýalyna ońtaıly jaýap berilýin tapsyrdy.
Shymkent qalasy ákiminiń baspasóz qyzmeti
