Barselona ma? Bavarııa ma?

991

Búgin túnde Chempıondar Lıgasynyń fınalǵa deıingi fınal dep at qoıyp, aıdar taqqan oıyny bolmaq. Kári qurlyqtyń qos myqtysy Barselona men Bavarııa Portýgalııa tórinde baq synamaq. Bul oıynda Messı men Levandovskııdiń dýelinen bólek qos nemis Noıer men Ter Shtegenniń qaısysy myqty ekenine kýá bolamyz. Sonymen qos komandanyń qaısysy jeńedi?

"Barselona" jeńedi

Ýálıhan Qosanbaı; sport kommentatory

Meniń oıymsha bul oıynda "Barselona" jeńiske jetedi. Iá, nemis mashınasynyń myqty ekenin bilemin. Qarsylas shaq keltirip júrgen joq. Býndeslıgada top jardy. Germanııa kýbogin aldy. Onymen qosa Robert Levandovskı ChL úzdik surmergeni. Oıyny da júrip tur. Osy faktilerdiń barlyǵyn nazarǵa alatyn bolsa, árıne "Bavarııa" fovarıt.

Biraq, men "Barselonaǵa" senemin. Sebebi, bul katalondyqtar úshin bıyl júlde alatyn sońǵy múmkindik. Ispanııa chempıonatyn "Realǵa" utylyp qaldy. Kýbokten de shyǵyp ketken. Endi tek ChL qaldy.

Kıke Seten shákirtteriniń oıynyna syn aıtýshylar kóp. Tipti "Napolıdi" óte almaıdy degender de boldy. Degenmen "Barselona" mańyzdy oıynnyń aldynda jınala bildi. Messıdiń oıyny júrdi.

Qaıbir jyly "Barselonanyń" "Bavarııadan" ońbaı jeńilgeni de este. Onyń ústine "Barselonanyń" shırek fınalǵa shyqpaǵanyna da qansha ýaqyt boldy. Endi komanda aldynda aýyr synaq tur. Messı men onyń komandasy bul oıynnyń qanshalyqty mańyzdy ekenin biledi.

Bul oıynda Býskets negizgi quramǵa oralady. Serhıonyń komandaǵa qanshalyqty paıdaly oıynshy ekenin aıtpasa da túsinikti shyǵar. Qara jumystyń bárin arqalaǵan jigit. Sýares babyna enip keledi. Endi Grızmann shamaly senimdi oınasa, "Barsa" kelesi kezeńge ótedi dep oılaımyn.

Ras, bul oıynda "Bavarııa" kóp basymdyqqa ıe bolady. Alaıda "Barselonada" múmkindikter bolady. Sol múmkindikterdi paıdalaný kerek!

«Bavarııa» jeńedi

Ermuhamed Máýlen; sport kommentatory

«Bavarııa» Germanııa chempıony atanǵaly beri bir aıdan astam ýaqyt ótti. Komanda bıyl nemis birinshiliginde 100 gol saldy. Chempıondar lıgasynyń oıynynda asa qatty terlegen de joq. Aǵylshynnyń azýly degen komandasy «Chelsıdi» 4-1 jeńdi. Jalpy komandanyń deńgeıi bir bas joǵary ekendigin kórsetti. «Barselonada» osal emes. Alaıda, bul komanda bir ǵana oıynshyǵa baılanyp qalǵan. Leo Messı oınasa komanda jaqsy nátıjege qol jetkizedi. Al eger argentınalyqtyń qoly júrmese komanda jeńiledi. Ispan la-lıgasynda chempıondyqty qoldan jiberip edi, klýb ishinde kıkiljiń kóbeıdi. Qańqý sózder Messıdi klýbtan ketýge daıyndalyp jatyr dep esepteıdi. «Inter» quda túsip, qomaqty qarjy daıyndap otyr. Sondyqtan da, «Napolıdi» ázer jeńgen «Barselona» «Bavarııaǵa» shamasy jetpes. «Bavarııa» kelesi kezeńge ótedi.

Ońǵar Qabden,
"Adyrna" ulttyq portaly

Pikirler
Redakııa tańdaýy