Elimizde koronavırýs juqtyrǵan balalar Kavasakı sındromyna shaldyǵýda. Buǵan deıin sındrom koronavırýs pandemııasy órship turǵan elderde kezdesken edi.
Kavasakı sındromy - sırek kezdesetin aýrý. Ony alǵash ret 1967 jyly japon dárigeri anyqtaǵan bolatyn. Sındrom qan tamyrlarynyń qabynýymen, aıaq-qolda bórtpelerdiń paıda bolýymen, bezderdiń isinýimen jáne erinniń qurǵaýymen sıpattalady. Aýrýdyń belgileri tek balalarda kezdesedi.
Koronavırýstyq pandemııa bastalmastan buryn Kavasakı sındromyna qatysty álemdik statıstıka salystyrmaly túrde tómen boldy. AQSh Ulttyq densaýlyq saqtaý ınstıtýtynyń málimeti boıynsha, sındrom Azııa elderinde jıi kezdesedi, mysaly, Japonııada jylyna 26 myń bala osy aýrýmen aýyrady. Al ótken jyly AQSh-ta bul sındrom 4200 balaǵa áser etken.
Alaıda, koronavırýstyń órshýi Kavasakı sındromynyń oıanýyna alyp keldi. «The Lancet» medıınalyq jýrnalynyń málimetinshe, sındrom Eýropa elderinde pandemııaǵa deıin ár 20 000-shy balada anyqtalsa, qazir bul san dál 20 ese ósken. Qazirgi tańda aýrý ár 1000-shy nárestege áser etýde.
Dárigerlerdiń aıtýynsha, Kavasakı sındromyna shaldyqqan bala mindetti túrde aýrýhanalyq emdeýdi qabyldaýy tıis. Statıstıkaǵa sáıkes, qajetti em almaǵan balalardyń 25% -ynda sındrom belgileri júrekke áser etken. Ókinishke oraı, bes paıyz jaǵdaıda mundaı asqynýlar emdeý kezinde de paıda bolýy múmkin.
Densaýlyq saqtaý mınıstrliginiń sońǵy málimeti boıynsha, elimizde kavasakı sındromyna shaldyqqan úsh bala tirkelgen.
«Adyrna» ulttyq portaly
