Armenııa bıligi reseılik telearnalardyń kórsetilýine zańmen tyıym saldy dep habarlaıdy «Adyrna» ulttyq portaly RBK agenttigine silteme jasap.
Bul zańǵa Armenııa prezıdenti Armen Sarkısıan 5 tamyz kúni qol qoıdy. Reseılik telearnalardyń kabeldi opreatorlaryna bul zańnyń qatysy joq, ıaǵnı kabeldi operatorlar kórsetilimin jalǵastyra beredi. Armıandardyń mundaı sheshimge kelýine az ýaqyt buryn Televıdenıe jáne radıo ulttyq komıssııasynyń tóraǵasy Tıgran Akopıannyń málimdemesi túrtki bolǵan.
Akopıan «keıbir sheteldik telearnalar túrli aqparat taratýymen ulttyq qaýipsizdigimizge qaýip tóndirýde» dep dabyl qaqqan bolatyn. Sonymen qatar reseılik arnalar Erevan halqyn qarsylyq sharalaryna shaqyryp, túrli habarlar taratqan.
Máselen, 2019 jyly Russia Today agenttiginiń bas redaktory Margarıta Sımonıan «Rossııa-1» arnasynda «Armenııa jastary Batystyń qarjylandyrýymen memlekettik tóńkeris jasaýǵa daıyndalýda» dep ashyq aıtty. Osy jáne ózge de ulttyq qaýipsizdikke nuqsan keltiretin jaǵdaılar armıandardyń reseılik arnalardy kórýine zańmen tyıym salýǵa ıtermelegen.
