Azat Perýashev: Memlekettik organdar kásip júrgizýge tyıym salyp otyr

426

Prezıdent  karantın kezinde shaǵyn jáne orta bıznesti jabýdy emes, retteýdi tapsyrdy, al memlekettik organdar kerisinshe keritartpalyqqa salynyp, kásip júrgizýge tyıym salyp otyr deıdi Azat Perýashev.

«Tótenshe jaǵdaı rejımimen salystyrǵanda Prezıdent karantın kezinde shaǵyn jáne orta bıznesti jabýdy emes, retteýdi tapsyrdy» - degen Azat Perýashev jergilikti memlekettik organdardyń bazar, kafe, shashtarazdardyń jumysyna tyıym salǵanyn synǵa aldy jáne olardyń bul áreketin «sabotaj» dep baǵalady

 «Aq jol» Demokratııalyq partııasynyń aımaqtardaǵy  kásipkerlermen keshe ótken beınekonferenııa kezinde partııa tóraǵasy Azat Perýashev meıramhanalardy,  bazarlardy,  shashtarazdardy jáne basqa da saýda, qyzmet kórsetý nysandarynyń jumysyna tyıym salǵan memlekettik organdardyń áreketin synǵa aldy.  

«Densaýlyq mınıstrligi koronavırýstyń qarqyny basyldy dep habarlaýda, biz de aýrý juqtyrǵandar edáýir tómendegenin kórip otyrmyz, aýrýhanalardyń jumysy jaqsardy. Alaıda, adam ólimi jalǵasýda, qaıtys bolǵandar arasynda bizdiń de týystarymyz ben dostarymyz bar. Jaǵdaı qaıtyp oralýy múmkin. Túnek ishinde alystan syǵyraıyp jaryq kóringenmen, áli de qyl ushynda turmyz. Sondyqtan da biz karantındi qoldaımyz. 

Karantın – tótenshe jaǵdaı emes.   

Karantın kezinde bızneske tyıym salǵannan góri, onyń jumysyn retteýdi kúsheıtý kerek. Keıbir ákimdikter Prezıdent Q.Toqaevtyń tapsyrmasyna keritartpa áreketter jasap, saýda nysandaryn baqylaý ornyna olardyń jumysyna tyıym saldy. Myńdaǵan kásipkerler qalaı kún kóredi? Olar olıgarhtar emes, bizdiń jáı azamattar ǵana. Olardyń kópshiligine 42 500 teńge tımedi, jumys isteýge bolmaıdy, olar ózderiniń otbasyn qalaı asyraıdy, balalaryn mektepke qalaı ázirleıdi? Olardyń kópshiligi qıyn kún kúnderdi bastan keshýde. Sońǵy aptada kásipkerler  Aqtóbe, Taraz, Óskemen, Kókshetaý,Taldyqorǵan qalarynda, Nur-Sultannyń ózinde mıtıngige shyǵýda. 

Tyńdańyzdar olardy! Bıznestiń jumysyna tyıym salǵannan góri, olardyń jumysyn retke keltirińizder. Olarǵa jumys jasaýǵa ruqsat etińizder, ıá, maska, qolǵaptar kıip, áleýmettik qashyqtyqty qatań saqtaı otyryp, jumys isteýge ruqsat etińizder. Saýda ortalyqtarynda, bazarlarda, salondarda, barlyq jerde qashyqtyq belgilerin qoıyp jáne qashyqtyqty qatań saqtaý, únemi dezınfekııa júrgizip turýǵa mindetteý arqyly jumys isteýge ruqsat etińizder.  

Adamdarǵa jumys isteýge múmkindik berińizder», - dedi Azat Perýashev.

Beınekonferenııa kezinde barlyq oblystardan shaǵyn jáne orta bıznestiń jıyrmadan astam ókili sóz sóıledi, júzden astam habarlama kelip tústi, eki saǵattyq beınekonfereneııa qorytyndysy boıynsha «Aq jol» Demokratııalyq partııasy Úkimetke Úndeý hat ázirleýde.

Pikirler
Redakııa tańdaýy