Prezident karantin kezınde şaǧyn jäne orta biznestı jabudy emes, retteudı tapsyrdy, al memlekettık organdar kerısınşe kerıtartpalyqqa salynyp, käsıp jürgızuge tyiym salyp otyr deidı Azat Peruaşev.
«Tötenşe jaǧdai rejimımen salystyrǧanda Prezident karantin kezınde şaǧyn jäne orta biznestı jabudy emes, retteudı tapsyrdy» - degen Azat Peruaşev jergılıktı memlekettık organdardyŋ bazar, kafe, şaştarazdardyŋ jūmysyna tyiym salǧanyn synǧa aldy jäne olardyŋ būl äreketın «sabotaj» dep baǧalady
«Aq jol» Demokratiialyq partiiasynyŋ aimaqtardaǧy käsıpkerlermen keşe ötken beinekonferensiia kezınde partiia töraǧasy Azat Peruaşev meiramhanalardy, bazarlardy, şaştarazdardy jäne basqa da sauda, qyzmet körsetu nysandarynyŋ jūmysyna tyiym salǧan memlekettık organdardyŋ äreketın synǧa aldy.
«Densaulyq ministrlıgı koronavirustyŋ qarqyny basyldy dep habarlauda, bız de auru jūqtyrǧandar edäuır tömendegenın körıp otyrmyz, auruhanalardyŋ jūmysy jaqsardy. Alaida, adam ölımı jalǧasuda, qaitys bolǧandar arasynda bızdıŋ de tuystarymyz ben dostarymyz bar. Jaǧdai qaityp oraluy mümkın. Tünek ışınde alystan syǧyraiyp jaryq körıngenmen, älı de qyl ūşynda tūrmyz. Sondyqtan da bız karantindı qoldaimyz.
Karantin – tötenşe jaǧdai emes.
Karantin kezınde bizneske tyiym salǧannan görı, onyŋ jūmysyn retteudı küşeitu kerek. Keibır äkımdıkter Prezident Q.Toqaevtyŋ tapsyrmasyna kerıtartpa äreketter jasap, sauda nysandaryn baqylau ornyna olardyŋ jūmysyna tyiym saldy. Myŋdaǧan käsıpkerler qalai kün köredı? Olar oligarhtar emes, bızdıŋ jäi azamattar ǧana. Olardyŋ köpşılıgıne 42 500 teŋge timedı, jūmys ısteuge bolmaidy, olar özderınıŋ otbasyn qalai asyraidy, balalaryn mektepke qalai äzırleidı? Olardyŋ köpşılıgı qiyn kün künderdı bastan keşude. Soŋǧy aptada käsıpkerler Aqtöbe, Taraz, Öskemen, Kökşetau,Taldyqorǧan qalarynda, Nūr-Sūltannyŋ özınde mitingıge şyǧuda.
Tyŋdaŋyzdar olardy! Biznestıŋ jūmysyna tyiym salǧannan görı, olardyŋ jūmysyn retke keltırıŋızder. Olarǧa jūmys jasauǧa rūqsat etıŋızder, iä, maska, qolǧaptar kiıp, äleumettık qaşyqtyqty qataŋ saqtai otyryp, jūmys ısteuge rūqsat etıŋızder. Sauda ortalyqtarynda, bazarlarda, salondarda, barlyq jerde qaşyqtyq belgılerın qoiyp jäne qaşyqtyqty qataŋ saqtau, ünemı dezinfeksiia jürgızıp tūruǧa mındetteu arqyly jūmys ısteuge rūqsat etıŋızder.
Adamdarǧa jūmys ısteuge mümkındık berıŋızder», - dedı Azat Peruaşev.
Beinekonferensiia kezınde barlyq oblystardan şaǧyn jäne orta biznestıŋ jiyrmadan astam ökılı söz söiledı, jüzden astam habarlama kelıp tüstı, ekı saǧattyq beinekonferenesiia qorytyndysy boiynşa «Aq jol» Demokratiialyq partiiasy Ükımetke Ündeu hat äzırleude.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz