El arasynda COVID-19 vırýsyn ımbır joıa alady degen qaýeset taraǵan-dy. Imbır koronavırýsty jeńbese de, halyqtyq emde ımmýnıtetti jaqsartý men ózge de aýrýlardyń aldyn alý úshin jıi qoldanylady.
Sonymen ımbırdiń keńinen taraǵan mynadaı emdik qasıetteri bar:
1. Júrek-qan tamyrlary aýrýlarynyń aldyn-alý.
Imbır arterııalardy tazartyp, qandaǵy holesterın deńgeıin tómendetedi.
2. Sýyq tııý men vırýstyq aýrýlardyń aldyn alý, emdeý.
Bal qosylǵan ımbır shaıy sýyq tııýdiń aldyn alyp, tumaýdy jeńýge kómektesedi. Sondaı-aq, ımbır tamyry ımmýnıtetti arttyrady.
3. Asqazan-ishek joldarynyń aýrýlary.
Untaq nemese tunba túrinde ımbır dızenterııa, gastrıt, ishek aýrýyn emdeıdi. Sondaı-aq, tamyry gelmıntterden arylýǵa kómektesedi.
4. Imbır tisti nyǵaıtady.
Imbırdi shıkideı jep siz tynys alýdy jaqsartyp qana qoımaı, stomatologııalyq aýrýlardyń da aldyn alasyz.
5. Býyn aýrýlaryn jazady.
Úgitilgen ımbırdi kompress túrinde artrıt úshin qoldanady. Tirek-qımyl apparatynyń aýrýlarynyń aldyn alý úshin kúnine keminde 60 g ımbır tamyryn jeý kerek.
6. Qaterli isik jasýshalaryn qaıtarý.
Imbır tamyrynyń erekshe qasıetteriniń biri – qaterli isik aýrýynyń aldyn alý men emdeý.
Biraq onyń zııan qasıetterin de umytpańyz: ımbırdi allergııaǵa, óttegi tasqa, baýyr ırrozyna qarsy, sondaı-aq qandy toqtatý úshin qoldanýǵa bolmaıdy. Mamandar asqazanynda qyshqyly kóp, gastrıti, sozylmaly aýrýlary bar adamdarǵa tym kóp paıdalanbaýǵa keńes beredi.
Aıjan Perdebekqyzy,
«Adyrna» ulttyq ortaly
