Qoǵam qaıratkeri, atyraýlyq jýrnalıst Arman Haırýllın 2021 jyldy «Ekologııa jyly» dep jarııalaýdy usyndy, dep habarlaıdy “Adyrna” QazAqparatqk silteme jasap.
«Atyraýda búgin ekologııalyq apokalıpsıs boldy deýge negiz bar. Toqsanynshy jyldardan búginge deıin aýa basseınine 4 mln tonna ýytty zattar shyǵarylǵan eken. Osynyń barlyǵy bizdiń densaýlyǵymyzǵa zııan keltirip otyr. Shaqalaqtardyń shetineýi jáne de túrli patologııalar boıynsha alda kele jatyrmyz.
Meniń usynysym – bizdiń Ekologııa mınıstrligin quryp bergen prezıdentimiz Qasym-Jomart Toqaev keler 2021 jyldy Ekologııa jyly dep jarııalasa eken. Jıyrma jylda birde-bir Ekologııa jyly jarııalanǵan joq. Qazaqstandyqtardy osy usynysymdy qoldaýǵa shaqyramyn, - dedi Arman Haırýllın
«Ekologııalyq bilim: qazaqstandyq qoǵamda ekologııalyq bilim berý, ekologııalyq mádenıetke tárbıeleý jáne qalyptastyrý» atty dóńgelek ústel otyrysynda . Spıker jergilikti deńgeıde atqarýshy organdarmen birlesip, kóptegen jobalardy júzege asyryp jatqanyn jetkizdi.
«Búgingi jıynǵa qatysýshylar, mınıstr hanym (Aqparat jáne qoǵamdyq damý mınıstri Aıda Balaeva – red.), sizdiń de tarapyńyzdan basqa da kóterip júrgen máselelerimizdi qoldasańyz, qoıan-qoltyq jumys isteýge qatyssańyz degen tilegimiz bar. Tikeleı ınteraktıvti baılanys ornataıyq. Ekologııa mınıstrligi de senbilikterdi uıymdastyrýdan bólek, keleli úlken máselelermen júıeli túrde aınalysýy kerek. Ult densaýlyǵyna qaýip tóndiretin taqyryptarmen aınalysý kerek, - dedi qoǵam qaıratkeri.
Aıta keteıik, QR Aqparat jáne qoǵamdyq damý mınıstrligi «Ekologııalyq bilim: qazaqstandyq qoǵamda ekologııalyq bilim berý, ekologııalyq mádenıetke tárbıeleý jáne qalyptastyrý» taqyrybynda dóńgelek ústel ótkizip jatyr.
“Adyrna” ulttyq portaly
