Qurban aıt dástúrli merekesin toılaý qarsańynda Almaty qalasynyń bas memlekettik sanıtar dárigeri Jandarbek Bekshın “Almaty qalasynyń aýmaǵynda Qurban aıt merekesi kúnderi koronavırýs ınfekııasynyń taralýyna yqpal etetin kópshilik sharalardy ótkizýge tyıym salý týraly” Qaýlysyna qol qoıdy.
Almaty qalasynyń óńirlik kommýnıkaııalar qyzmetiniń onlaın-brıfıng barysynda atalǵan Qaýlyǵa sáıkes, Almaty qalasynyń aýmaǵynda Qurban aıtty merekeleý kúnderi tómendegi jaılarǵa tyıym salynatyny habarlandy:
- Almaty qalasynyń aýmaǵynda avtokóliktermen ákelingen maldardy satýǵa jáne jeke ıeliktegi úı-jaılarynda mal satýǵa, mal soıysyn uıymdastyrýǵa jáne ótkizýge;
- jekemenshik formasyna qaramastan, barlyq uıymdarda, jekemenshik úı-jaılar men medreselerde kópshilik sharalardy ótkizýge;
Sonymen qatar, 31 shilde men 2 tamyz aralyǵynda Almaty qalasynyń Ortalyq meshitimen bekitilgen onlaın rejımde qurban shalýdy júzege asyratyndardan basqa, mal satatyn ehtar men bazarlardyń jumysy toqtatylady.
QR AShM Veterınarlyq baqylaý jáne qadaǵalaý komıtetiniń aýmaqtyq ınspekııasymen 27.07.2020 j- 02.08.2020 j aralyǵynda Almaty qalasynyń aýmaǵynda memlekettik veterınarlyq-sanıtarlyq baqylaý jáne qadaǵalaý kúsheıtiledi. Almaty qalasyna kireberisterde onlaın rejımde qurbandyq shalýǵa arnalǵandardy qospaǵanda, qala aýmaǵyna maldardyń ákelinýin boldyrmaý jáne jolyn kesý boıynsha posttar uıymdastyrylady.
Bekshın bul sharalardy koronavırýs ınfekııasyn boldyrmaý maqsatymen jasalyp jatqanyn jetkizdi.
Qurban shalý tek onlaın rejımde BAQ arqyly ǵana ruqsat etiledi.
Eske sala ketsek, kesheli beri áleýmettik jelide Qurban aıt merekesine oraı qoı baǵasynyń qymbattap jatqany týraly aqparattar shyǵa bastady.
"Adyrna" ulttyq portaly
