Murat Ábenovtiń pikirinshe bul iske quzyrly organdar aralasý qajet.
Dári-dármek tapshylyǵyna kináli qor basshylaryn jumystan shyǵarý azdyq etedi. Qanshama adam qaıtys boldy. Qazaqstan Respýblıkasynyń Qaýipsizdik Komıteti men Bas Prokýratýrasy bul isti qaraý kerek, - dep jazdy qoǵam belsendisi.
Onyń aıtýynsha, qazaqstandyqtar úshin dári-dármek máselesimen Prezıdenttiń ózi tikeleı aınalysyp jatqany óte mańyzdy.
Birinshiden, Densaýlyq saqtaý salasy dári-dármek tapshylyǵyn qoldan jasaý arqyly úlken tragedıalarǵa jol berdi. Densaýlyq saqtaý mınıstrligi aldyn ala dári-dármek tizimin qarastyrýdyń ornyna «SQ Farmaııaǵa» tapsyryp qoıdy. Eldegi dári-dármekti satyp alý tek bir ǵana uıym arqyly júrgizildi. Nátıjesinde dárihana sórelerinen dáriler joq boldy. Prezıdent osy máseleni kóterip, osy máselege jaýapty qor basshylaryn jumystan bosatyp, tekserýdi tapsyrǵany durys sheshim dep oılaımyn, - dedi M.Ábenov.
Prezıdenttiń keńeıtilgen otyrysta aıtqan dári-dármek tapshylyǵyna qatysty sheshimderi jaıly Ulttyq keńes múshesi, qoǵam qaıratkeri Murat Ábenov áleýmettik jelidegi paraqshasynda jazdy, dep habarlaıdy Strategy2050.kz tilshisi.
