Eýropalyq Komıssııa EO-nyń syrtqy shekaralaryn kesip ótýge qoıylǵan shekteýlerdi aǵymdaǵy maýsymnyń 15-inde aıaqtaýdy usyndy, alaıda barlyq derlik múshe memleketter shekteýlerdi aıdyń sońyna deıin uzartýdy qoldady.
Eýropalyq Odaq maýsymnyń sońynda óziniń ishki shekaralaryn tolyǵymen ashady. Bul ashylý kúnin Eýropalyq Komıssar Ilva Iohansson EO ishki ister mınıstrleriniń kezdesýinen keıin atady, dep habarlaıdy Reuters.
Sonymen birge, Eýropalyq Odaq elderi 15 maýsymnan keıin azamattardyń úshinshi elderden kelýine shekteýlerdiń jalǵasýyn jaqtady. «Aldymen Shengen aımaǵynyń jumysyn qalpyna keltirip, sodan keıin syrtqy shekaralardy ashýǵa kirisý kerek», - dedi Iohansson.
Eýropalyq komıssııa EO-nyń syrtqy shekaralaryn kesip ótý boıynsha shekteýlerdi aǵymdaǵy maýsymnyń 15-inde aıaqtaýdy usyndy, biraq barlyq derlik múshe memleketter shekteýlerdi aıdyń sońyna deıin uzartýdy qoldady.
«Bul maýsym aıynyń aıaǵynda syrtqy shekaralarda shekteýler bolady degendi bildiredi, jáne biz olardy shilde aıynyń basynda alyp tastaý týraly oılanýymyz kerek dep sanaımyn» dedi Iohansson.
Qazirgi ýaqytta EO-nyń keıbir elderi belgili bir kórshi elderde aýrý juqtyrǵandardyń sanyna nazar aýdara otyryp, ekijaqty negizde shekara ashýdy bastady. Mamyr aıynyń basynda Eýrokomıssııa EO ishinde shekteýler joıylǵannan keıin Shengen elderiniń syrtqy shekaralaryn «eleýsiz» saparlar úshin ashqan jón dep málimdedi.
"Adyrna" ulttyq portaly
