QR Premer-mınıstriniń orynbasary Eraly Toǵjanovtyń tóraǵalyǵymen koronavırýstyń taralýyna jol bermeý jónindegi vedomstvoaralyq komıssııanyń otyrysy ótti. Onda halyq pen memlekettik organdardyń usynystaryn eskere otyryp, shekteý sharalaryn barynsha tómendetý maqsatynda naqty sheshimder qabyldandy.
2020 jylǵy 1 maýsymnan bastap:
1) Óńiraralyq blok-beketter alynady. Bas memlekettik sanıtarlyq dárigerler men óńirler ákimdikteriniń sheshimi boıynsha koronavırýstyń taralý oshaǵy bar aımaqtarda jergilikti blok-beketter saqtalýy múmkin.
2) Qazaqstannyń oblys ortalyqtary men iri qalalaryna temir jol tasymaldary, sondaı-aq óńiraralyq avtobýspen jolaýshylar tasymaly qaıta jańǵyrtylady.
Jolaýshylardy tasymaldaý qatań túrde Densaýlyq saqtaý mınıstrliginiń bekitilgen sanıtarlyq talaptaryna sáıkes júzege asyrylady.
Temirjol jáne avtovokzaldarda bekitilgen talaptardyń oryndalýy Ishki ister mınıstrliginiń qyzmetkerleriniń baqylaýynda bolady.
3) Fıntes jáne SPA ortalyqtarynyń qyzmeti qaıta jandanady;
4) Sport jáne mádenıet obektileri kórermensiz jumys isteı bastaıdy.
5) Mektepke deıingi balalar mekemeleriniń, qosymsha bilim berý uıymdarynyń (bir topta 15 baladan kóp emes), ǵylymı-zertteý ınstıtýttarynyń jáne ǵylymı ortalyqtardyń jumysy jandanady.
2020 jyldyń 15 maýsymynan bastap sanıtarlyq talaptardy saqtaǵan jaǵdaıda kınoteatrlardyń jumysy qaıta qalpyna keltiriletin bolady.
Sonymen qatar birqatar elderde sanıtarlyq-epıdemıologııalyq jaǵdaıdyń turaqtalýyn eskerýmen, Vedomstvoaralyq komıssııa memlekettik organdarǵa halyqaralyq áýe reısterin kezeń-kezeńmen jańǵyrtý máselesin pysyqtaýdy tapsyrdy (I kezeń aıasynda Ońtústik Koreıa, Qytaı Halyq Respýblıkasy jáne Ázerbaıjanmen; II kezeń aıasynda Birikken Arab Ámirligi, Germanııa, Túrkııa jáne Taılandpen).
Halyqaralyq áýe reısteriniń qaıta ushyryla bastaıtyn kúni memlekettik shekaralardyń ashylýyna jáne sanıtarlyq-epıdemıologııalyq jaǵdaıǵa baılanysty anyqtalatyn bolady.
Birqatar salalar men obektilerdiń jumysqa kirisýin eskere otyryp, Vedomstvoaralyq komıssııa qazaqstandyqtarǵa aýrýdyń aldyn-alý sharalaryn qatań saqtaý qajettigin eske salady (maska kııý, áleýmettik araqashyqtyqty saqtaý, qarym-qatynasty azaıtý).
Otyrys qorytyndysy boıynsha Premer-mınıstrdiń orynbasary E.Toǵjanov birqatar naqty tapsyrmalar berdi.
"Adyrna" ulttyq portaly
