Koronavırýs ınfekııasy taralýynyń aldyn alý jónindegi qosymsha sharalar Nur-Sultanda 25 mamyrdan júzege asyrylady
NUR-SULTAN, 24 mamyr — Sputnik. Elordanyń bas memlekettik sanıtar dárigeri Janna Pirálıeva halyq arasynda koronavırýs ınfekııasy taralýynyń aldyn alý jónindegi qosymsha sharalar týraly jańa qaýly qabyldady.
Karantın kezinde astanalyqtarǵa ne isteýge ruqsat etildi
- 2 jáne odan da kóp adamnyń birlesip serýendeýi kezinde mindetti túrde maska kıip, 2 metrden kem emes áleýmettik qashyqtyqty saqtaı otyryp, turatyn jerinen erkin shyǵýǵa ruqsat etiledi;
- aýlalarǵa shyǵýǵa jáne saıabaqtarǵa, alańdarǵa, skverlerge, jaǵalaýǵa mindetti túrde maska kıip, 3 adamnan aspaıtyn topqa nemese bir otbasy múshelerine 2 metrden kem emes áleýmettik qashyqtyqty saqtaı otyryp barýǵa ruqsat etiledi;
- 1.3. saıajaı ýchaskelerine (qala syrtyndaǵy úılerge) barý úshin eldi mekennen kirýge/shyǵýǵa ruqsat etiledi;
- qoǵamdyq oryndarǵa, sonyń ishinde qalalyq qoǵamdyq kólikterge jáne qyzmeti ruqsat etilgen obektilerge barǵan kezde maska, qolǵap kıip júrý jáne antıseptık paıdalaný boıynsha talaptardy qatań saqtaý kerek;
- jeke, qyzmettik avtokólikti jáne taksıdi shekteýsiz paıdalanýǵa ruqsat etiledi, tek taksı jáne qyzmettik kólik júrgizýshileri mindetti túrde maska, qolǵap kıip, teri antıseptıkterin paıdalanýy qajet;
- 50 adamdyq orny bar dámhana men meıramhanalardyń jumysyna ruqsat etiledi, kórshi ústelderdiń shetki oryndary arasyndaǵy áleýmettik qashyqtyq 2 metrden kem bolmaýy kerek;
- sanıtarlyq-epıdemıologııalyq talaptar men karantındik rejımdi saqtaı otyryp, bilim berý ortalyqtarynyń, ártúrli sala mamandaryn daıarlaý jáne qaıta daıarlaý kýrstarynyń, semınarlyq sabaqtardyń, eresekterge arnalǵan úıirmelerdiń (jeke sabaqtar nemese 5 adamnan aspaıtyn toptar) qyzmetine ruqsat etiledi;
- dinı nysandardyń (meshitter, soborlar, shirkeýler, sınagogalar) qyzmetine ruqsat etiledi, biraq bir sátte kiretin adamnyń sany 50-den aspaýy tıis jáne 2 metr áleýmettik araqashyqtyq saqtalýy shart. Kelýshiler ár túrli esikten kirip, shyǵýy kerek.
Nur-Sultanda karantınde ne isteýge tyıym salyndy
- ujymdyq is-sharalar ótkizýge jáne banket pen saltanat zaldarynyń jumysyna tyıym salynady;
- otbasylyq eske alý, ádet-ǵuryp jáne ózge de is-sharalar ótkizýge, keıterıngtik qyzmetter kórsetýge jáne merekelerdi uıymdastyrý jóninde qyzmetter kórsetýge tyıym salynady;
- COVID-19 indeti taralýynyń tolyq tómendeýine deıin túngi klýbtar, fıtnes-klýbtar men zaldar, trenajer zaldary (ortalyqtary), SPA-salondar, massaj kabınetteri, kosmetologııalyq kabınetter, klınıkalar men ortalyqtar, mektepten tys qosymsha bilim berý uıymdary (damytý ortalyqtary, bilim berý ortalyqtary, úıirmeler jáne t. b.), kompıýterlik klýbtar, sport keshenderiniń (úıirmeler, sekııalar jáne t. b.) qyzmetine tyıym salynady. Tek Ulttyq Olımpıada komıtetinde akkredıttelgen sport bazalaryn ulttyq qurama komandalardy olımpıadalyq jáne paralımpııalyq oıyndarǵa daıarlaý úshin ǵana paıdalanýǵa bolady;
- Nur-Sultan qalasynyń aýmaǵynda júzetin serýendeý keme quraldardyń jumysyna tyıym salynady;
- kóshe saýdasynyń kez kelgen túrine tyıym salynady;
- adamdardyń qatysýyna baılanysty mektep jáne basqa da bilim berý mekemeleriniń túlekteri úshin baldar, keshter, sońǵy qońyraýlardy ótkizýge tyıym salynady;
- kezekshi toptardyń jumysyn qospaǵanda, menshik nysanyna qaramastan mektepke deıingi balalar mekemeleriniń qyzmetine tyıym salynady.
Sońǵy derekterge súıensek, respýblıka boıynsha koronavırýs ınfekııasy anyqtalǵandar sany 8 322 adamǵa jetti, onyń 4 214-i emdelip shyqty.
Nur-Sultan qalasynda sońǵy táýlikte 58 adamnan koronavırýs tabyldy.
