Memleket basshysy Qasym-Jomart Toqaev Qazaqstan musylmandaryn Oraza aıt merekesimen quttyqtady.
"Qurmetti otandastar!
Sizderdi Oraza aıt merekesimen shyn júrekten quttyqtaımyn!
Bul – ıslam álemindegi aıtýly ári qasterli meıram.
Oraza aıt rýhanı turǵydan jańarýǵa jáne kemeldenýge úndeıtin qasıetti Ramazan aıyna jalǵasyp, jaqsylyqqa jeteleıdi.
Imandylyqpen berik úndes adamgershilik pen baýyrmaldyq, qarapaıymdylyq pen kishipeıildilik – ulttyq tálim-tárbıeniń bastaýy. Ony búgingi urpaqtyń ómir saltyna aınaldyrýymyz kerek.
Meıram kúnderi kúlli musylman qaýymy bir-birine qamqorlyq jasap, muqtaj jandarǵa qoldaý kórsetedi. Mundaı ıgi ister bizdiń yrys-yntymaǵymyzdy arttyra túsedi.
Ramazan aıynda sabyr saqtap, tózimdilik tanytqanymyzdyń arqasynda indetke baılanysty qalyptasqan ahýal birshama turaqtandy.
Halqymyzdyń parasaty mol, birligi bekem bolsa, bul synaqtan da súrinbeı ótemiz dep senemin.
Oraza aıt qutty bolsyn!
Barshańyzǵa zor densaýlyq, baq-bereke jáne tolaıym tabys tileımin!" dep aıaqtady roezıdent quttyqtaýyn.
