Árbir ekinshi qazaqstandyq jumyssyz qalýy múmkin - sarapshylar

4974
Adyrna.kz Telegram

© pixabay.com

Qazaqstandyq bıznesmender kredıtin tóleı almaı otyr. 2,5 myń jeke kásipker TJ rejımi men karantınge baılanysty tólem ýaqytyn keshiktirgen, - dep habarlaıdy KTK telearnasy.

Birinshi kredıttik bıýro málimetinshe, sulýlyq salon ıeleri, qyzmet kórsetý salasyndaǵy jumysshylar, sondaı-aq, saýnalar men massaj salondary qaryzǵa belsheden batqan. Jalpy qaryz 147 mıllıon teńgege jetken.

Al jaqynda ǵana bıznesmender óz qyzmetkerlerine de aqsha tóleýge mindetteldi. Jaqynda kúshine engen jańa Eńbek kodeksi boıynsha 42 500 teńgeni endi jumys berýshi tóleıtin boldy. Bul norma TJ jaǵdaıynda bolmady, biraq 12 mamyrdan bastap barlyq kásiporyn májbúrli demalysqa jibergen adamdarǵa eń tómengi jalaqy tóleýge mindetteldi.

Jańa bap, sarapshylardyń pikirinshe, jumystan bosatý tolqynyn týdyrýy múmkin deıdi.

"16 naýryzdan bastap Almatyda qoǵamdyq tamaqtaný salasy jumys istemeıdi. Búginde kásipkerlerimiz satylym joǵalyp, tabys túspeı, 12 mamyrdan bastap jumysshylaryna eń tómengi jalaqy tóleýge májbúr. Bul, árıne, kelisimsharttardy buzýǵa ákep soǵady. Jergilikti deńgeıdegi óńirlik palata Respýblıkalyq deńgeıde bul máseleni qaıta qaraýǵa shaqyrady", - dedi Almaty Kásipkerler palatasynyń dırektory Narıman Ábilshaıyqov.

Sarapshylar koronavırýs kúzde oralsa, árbir qazaqstandyq turaqty tabysynan aıyrylýy múmkin degen boljam aıtyp otyr. Alyp tastalǵan TJ kóptiń kútkenindeı bolmady. Karantın sharalary saqtalyp otyr. Al bul degenimiz kóptegen qazaqstandyq jumyssyz otyr degen sóz. Sarapshylardyń boljamy kóńil kónshiterlikteı emes. Karantınge deıin jumyssyzdyq deńgeıi 4,8 paıyzǵa teń bolsa, endi bul kórsetkish 15 nemese odan da kóp paıyzǵa ósýi yqtımal.

"Pessımıstik kózqarasty aıtar bolsa... Biz kúz jáne qys mezgilderinde qatań karantınge jabylyp, jumyssyzdyq 50 paıyzǵa jetýi múmkin", - deıdi Qazaqstandyq qoǵam pikiri men naryqty kásibı zertteý qaýymdastyǵynyń prezıdenti Natalıa Ospanova.

Karantın ýaqytynda almatylyq jumyspen qamtý ortalyǵyna 5 myńǵa jýyq adam kelgen. Onyń 1200-i ǵana jumys tapqan. Sheneýnikter qazir vakansııada tańdaý az deıdi.

"150 myń nemese odan da kóp jalaqy alǵysy keledi. Mamandyǵy nemese tájirıbesi boıynsha jumys istegisi keledi. Alaıda, ókinishke qaraı, qazirgi ýaqytta qyzmet kórsetý, saýda, klınıng qyzmeti, dezınfektorlar qajet. Jalaqy deńgeıi 85-120 myń aralyǵynla. Sondyqtan berip turǵan jumysty alýǵa keńes berip jatyr", - deıdi Almaty ákimdigi Halyqty jumysen qamtý ortalyǵy dırektorynyń orynbasary Nurjan Aýtalıf.

Ol endi kompanııalar keńselerde únemdep, alystaǵy jumys formatyn tájirıbede qoldanatyn bolady dep sanaıdy. Al jumys kásipteri men qyzmet kórsetý salasy aman qalady.

Sarapshylardyń pikirinshe: eldi jappaı jumyssyzdyqtan qorǵaý úshin shaǵyn jáne orta bıznesti jedel qutqarý kerek. Ol úshin salyq tóleýden kem degende bir jylǵa bosatylýy tıis kásiporyndardyń tizimin keńeıtýdi usynylady.

Eske salaıyq, 15 naýryzda Toqaev koronavırýs pandemııasyna baılanysty TJ rejımin engizgen bolatyn. Al 11 mamyrda 00 saǵat 00 mınýtta TJ rejımi aıaqtaldy.

Pikirler