2014 jyly Qazaqstan Respýblıkasy Parlamentiniń sheshimimen 18 mamyr «Túrki jazýy kúni» bolyp belgilendi. Bul datanyń tańdalý sebebi, dál osy kúni ejelgi túrki sózderi jazylǵan Kúlteginniń kók tasynyń kóshirmesi Mońǵolııadan elimizge ákelingen edi. Qazaqstannyń «Túrki jazýy kúnin» belgileý týraly usynys bildirýshilerdiń qatarynda Ahmet Baıtursynuly atyndaǵy Til bilimi ınstıtýtynyń ǵalymdary da boldy.
«Kodeks Kýmanıkýs» – (kóne qypshaq tiliniń sózdigi) XIV ǵasyrdyń basyndaǵy quman (kóne qypshaq) tiliniń jazbasha eskertkishi. Ony qaıta órleý dáýiriniń kórnekti ıtalııandyq aqyny Franchesko Petrarka Veneııadaǵy kitaphanaǵa 1362 jyly tapsyrǵan. Bul ǵajaıyp eńbektegi qypshaq tilindegi ánurannyń notasyn alǵash oqyǵan Ahmet Baıtursynuly atyndaǵy Til bilimi ınstıtýtynyń bas ǵylymı qyzmetkeri, qypshaqtanýshy, fılologııa ǵylymdarynyń doktory – Aleksandr Garkave. Qazaqstan Respýblıkasy Mádenıet jáne sport mınıstrliginiń qoldaýymen «Kodeks Kýmanıkýs» kitabynyń qaıta qalpyna keltirý jumystary júzege asyrylǵan bolatyn. Ǵalym oqyǵan «Kodeks Kýmanıkýs» eńbegindegi qypshaq ánuranynyń notasy qazirgi notamen óńdelip, eń alǵash ret Qazaqstanda 2018 jyldyń 2 shildesinde «Astana Opera» teatrynda myńnan astam mýzykanttar men erler horynyń oryndaýynda shyrqaldy.
Qýanysh Jumabek
Ahmet Baıtursynuly atyndaǵy Til bilimi ınstıtýtynyń ǵylymı qyzmetkeri
