Nur Sultanda karantın rejıminen jeńildik bolmaıdy. Bul týraly elorda ákimdiginde aıtyldy, - dep habarlaıdy "Adyrna".
«Turǵyndar qatań sanıtarlyq normalardy saqtaý kerek. Qala boıynsha baqylaý-ótkizý pýnktteri jumysyn jalǵastyrýda. Polıııanyń barlyq quramy qalany kúzetýde, sanıtarlyq normalardy saqtaýǵa halyqty habardar etý úshin dárigerler, eriktiler aınalysýda», - delingen baspasóz habarlamasynda.
Elorda ákimi Altaı Kólginov koronavırýstyq ınfekııanyń taralýyna qarsy turý jóninde keńes ótkizdi.
«Karantın rejıminiń qalpyna kelýine baılanysty qazir kóshede adamdar kóp. Kúndelikti reıdter barysynda baıqaǵanymyz halyq barlyq sanıtarlyq normalardy ustanbaıdy: sanıtarlyq-epıdemıologııalyq talaptardy buzǵany úshin 26 obekti japtyq, 150 qurylys kompanııalary, kafeler, meıramhanalar, qonaq úıler jáne t.b eskertý jasap, jartysyna aıyppul salyndy».
«Reıdter kezinde adamdar saıabaqtarǵa, alańdarǵa kóptep jınalyp, betperdesiz júretini baıqaldy. Munyń bári vırýstyń asqynǵan túrde taralýyna ákelýi múmkin. Dárigerlerge ınfekııa kózderin der kezinde anyqtaý qıynǵa soǵady».
«Osyǵan baılanysty polıııa qyzmetkerleri qarqyndy rejımde jumys isteýdi jalǵastyrady, turǵyndarmen túsindirý jumystaryn kúsheıtedi, kúndelikti qyzmetteri ruqsat etilgen kompanııalardyń jumysyn baqylaıdy. Nysandar sanıtarlyq normalardy buzǵan jaǵdaıda jabylady. Infekııa qaýpi saqtalyp otyr, qazir demalatyn ýaqyt emes» - dep atap ótti elorda ákimi Altaı Kólginov.
Onyń aıtýynsha, «eń aldymen siz óz densaýlyǵyńyzǵa jaýapty qarasańyz, jaqyndaryńyzdyń densaýlyǵyna da jaýapty bolasyz».
«Ókinishke oraı, naýqastardyń 40 paıyzy 18-30 jas aralyǵyndaǵy jastar, 36 paıyzy 30-50 jas aralyǵyndaǵy adamdar. Sizge koronavırýsty qalypty tumaý retinde qabyldap, emdelýdiń qajeti joq. Bul aýrý birneshe kúnniń ishinde tipti eshqashan aýyrmaǵan adamnyń da densaýlyǵyn buzýy múmkin. Tek oqshaýlaný jáne qatań sanıtarlyq normalar ǵana sizdiń burynǵy ómir súrý qalpyńyzǵa oralý úshin senimdi jáne jyldam ádis», - dep tolyqtyrdy Kólginov.
