Kesheli beri Qazaq eli qınalyp, qaraly bolyp otyrǵanda, saıasat sahnasyna shyǵam degen aǵamyzdyń tragı komedııa qoıǵany óte orynsyz boldy. Jalpy, mundaı haıpty oınatý men jiberýdiń orny bolady. "Oıyn bilmegen bala... "deıdi qazaq. Tipti bolmaı bara jatsa erteń qoısa da eshteńe etpes edi... Árıne, qazaqqa óz uldarynan artyq eshkim joq.
Jurtymyz Beısen Quranbek aǵanyń qazasyna qabyrǵasy qaıysyp otyrǵanda, myna jaqtan "meni belgisiz bireý ustap ketti" dep dúrliktirý, izin ala "bul jáı qoıylym edi "degeni onsha utymdy bolmady. Ony endi ózderi biler. Maǵan esh unaǵan joq.
Halyqpen saıasat sahnasyna shyqpaı turyp oınaǵan adam – mejeli jerge barǵannan keıin odan da soraqy oıyn kórsete alady. Zelenskıı prezıdent ákki akter edi, sol akterlyǵy ony bıikke kóterdi. Ol qazir sahnada oınamasa da, halqyna kerek adamdardan komanda quryp, óz aldyna jumys istep jatyr. Ýkraınaǵa baqyt ákelsin.
Keshegi qoıylymnan bir kún buryn tikeleı efırge shyǵyp, ózi sııaqty oppozıııamyz degenderden arandatýshylyqqa tap boldy. Men ol suhbattan jańa úmitkerdiń saıasatqa ákelgen baǵdarlamasyn suraı ma, osy búgingi kúngi batyp bara jatqan batpaqtan qalaı shyǵamyz degen oryndy saýaldar kútkem. Sóıtsem, qazaqtyń qazirgi batpaqqa ketip bara jatqan júgin olar sýǵa tartqandaı áser qaldyrdy.
Ahmet aǵaniki tek ambıııa sııaqty kórindi. Aǵamyzdyń osy ýaqytqa deıin kótergen jumysynyń eń tabysty da, elge paıdalysy da – bıznes trenerligi boldy. Sol isti ári damyta berý kerek-aý. Aımaqtardaǵy 20 fılıal, parlamentten tıetin 20 depýtattyq mandattan artyq bolar edi.
Búkil qazaqqa úı alyp berýge jaǵdaı jasaımyn degeni maǵan ýtopııa, mıraj bolyp kórinedi. Óıtkeni, úı almaı-aq, sol qarjyny bızneske salyp, amerıkandyqtarsha, eýropalyqtarsha ómir súrem degen jastar bar.
Sonymen qatar, túbinde úı alasyń ǵoı. Bastysy eńbegińe qaraı aqysy, tapqanyńa qaraı quny bolsa, qaıyrlysy sol.
Meni taǵy bir oılandyratyn másele - bılikke kegi ketken, bıznesin tartyp alǵan, bıligi barlar bıznesimdi alyp qoıdy degender osy kúni, halyqqa úgit aıtyp, alańǵa shaqyryp, partııa qurýǵa, jastarmen etene jaqyn bolýǵa tyrysyp jatyr. Muhtar Áblıazov, Marǵulan Seısembaı, Ahmetbek Nursıla aǵalarymyzǵa kezinde áýmeserlerdiń qolymen bızesin tartyp alǵany jaıly jıi ashyq aıtyla bastady.
Oıym durys emes shyǵar, kelispeseńiz de bolady. Biraq, qolǵa tizgin tıgen kúni bul eshqandaı halyqtiki ne memlekettiki emes, meniń mańdaı terim dep, esebin túgendeýi úshin tirlik qylýy múmkin. Adam ıdeal bolmaıdy, biri bolmasa birinen sol shyǵaryn sezemin. Al keshegi DVK-danmyn degen oppozııonerdiń qazirgi bılikke ilinistirip otyrǵan suraqtary ol kisilerdiń ishtarlyǵyn kórsetedi.
Aqań maǵan 30% jetedi dep týrasyn aıtty. Ar jaǵyndaǵy 70%-dyń DVK qalaǵanyn alsa bolady. Olarǵa da 30-40 % jeter. Qalǵan partııalar bar. Birin-biri shalyp, áli barmaǵan partııany bir-birinen qyzǵanýy, DVK-da emestiń bárin "Nurbotsyń" dep aıyptaý – esh ushpaqqa shyǵarmaıdy.
Osy jazba úshin men de Nurbot bolýym múmkin. Olar týraly bir aýyz maqtaý jazbasam da! Oppozıııashyl bolsań, ashyq pikir men syndy kótere alýyń kerek. Kótere almasań saǵan deıingilerden aıyrmashylyǵyń joq.
Joǵaryda atalǵan kisilermen jeke qysastyǵym, bolmasa arazdyǵym joq. Biraq eldiń bolashaǵy úshin júrmiz deıtin aǵalardyń bárine aıtatynym osy.
Almas Serikuly
