Belgili jýrnalıst Beısen Quranbek 49 jasqa qaraǵan shaǵynda dúnıeden ótti, dep habarlaıdy QazAqparat.
Qaraly qazany Almaty oblysy ákiminiń baspasóz hatshysy Ǵalymurat Júkel áriptesterine jetkizdi.
Beısen Quranbek 1971 jyldyń 9 jeltoqsanynda Almaty oblysy Kerbulaq aýdany Qyzyljar aýylynda dúnıege kelgen. Á l-Farabı atyndaǵy Qazaq ulttyq ýnıversıtetin bitirgen.
Eńbek jolyn respýblıkalyq «Sport» gazetinde tilshi, jaýapty hatshy qyzmetinen bastaǵan.
Al qalǵan ǵumyryn qazaq televıdenıesimen baılanystyryp, «Rahat», «31 arna», «Habar» arnalarynda, Prezıdent teleradıokesheninde qyzmet atqarǵan.
2007-2012 jyldary Almaty oblystyq «Jetisý» telearnasynyń bas dırektory boldy.
2013-17 jyldary «Qazaqstan» telearnasyndaǵy jalpaq jurtqa tanymal «Aıtýǵa ońaı» áleýmettik-turmystyq tok-shoýynyń júrgizýshisi boldy.
2017 jyldyń qyrkúıek aıynan beri ulttyq arnadaǵy «Qareket» baǵdarlamasyn júrgizdi.
2014 jyldyń qazan aıynda Almaty oblystyq «Jetisý» telearnasynyń bas dırektory bolyp qaıta taǵaıyndaldy.
Beısen Quranbektiń jarqyn beınesi áriptesteriniń júreginde máńgi saqtalady.
