Qazaqstanda TJ rejımin buzǵandar úshin aıyppul 10 esege kóbeıedi

3450
Adyrna.kz Telegram

© Álıhan Sarıev

Májilis depýtattary Ákimshilik quqyq buzýshylyq týraly kodekske ózgertýler engizýdi qoldady, - dep habarlaıdy Tengrinews.kz .

Endi tótenshe jaǵdaı rejımin buzǵandar jarty mıllıon teńgege deıin aıyppul tóleýge mindetteledi.

Depýtat Beıbit Mamraevtyń aıtýynsha, tótenshe jaǵdaı rejımin nemese shekteý sharalaryna qatysty talaptardy oryndaýdan bas tartqandarǵa qatysty jaýapkershilik kúsheıtiledi.

Osylaısha 10 AEK-ten 100 AEK-ke deıin (27,7 myń teńgeden 277,8 myń teńgege deıin) aıyppul salý nemese 15 táýlikke deıin qamaýǵa alý kózdelip otyr. Al erejebuzýshylyq ekinshi ret qaıtalanǵan jaǵdaıda 200 AEK-ke (555,6 myń teńge) deıin nemese 30 táýlikke deıin qamaýǵa alý jazasy qarastyrylady.

Pikirler