ARMAN ÁÝBÁKIR: SSSR-dy "Uly Otan" dep áspetteýdi qashan qoıar ekenbiz?

Osy kúni BAQ-ta, ákim-qaralardyń baıandamalarynda "Uly Otan soǵysy" dep sóz saptaýshylardy jıi baıqaıtyn boldyq. Tipti "aspan asty eli" dep qytaıdyń aldynda ózimizdi bodan sezindiretin sóz tirkesin qoıdyra almaı júrgende "Uly Otan" degen SSSR-dyń tar qamyty moınymyzdy qyspaı ma eken, á? Táýelsiz el degen atymyz ras bolsa, Jeńistiń 75 jyldyǵyn "Uly Otan soǵysy" dep áspetteýden arylatyn ýaqyt kelgen joq pa? Ýysynan shyǵaryp alǵannan soń-aq qaıta ańsary aýǵan, tipti uıyqtasa túsine kirer Reseıdiń Keńes úkimetin, alash arystaryn qan qaqsatqan qyzyl ımperııany kókseý emes pe? II Dúnıejúzilik soǵys desek, bireý bizdiń at-tońymyzdy sheship alady ma? Eger biz Keńes úkimetin "Uly Otan" dep ásire áspetteýdi qoımasaq, azattyqty ańsaǵan Alash arystary ne úshin qurban boldy? Bári beker me?
Jas urpaq orysshyl da, qytaıshyl da, arabshyl da, túrikshil de (anadoly) emes, alash múddesin bárinen joǵary qoıa bilse eken dep tileımin.