6 mamyrda Aqmola oblysyndaǵy elınograd aýdanyna qarasty Qosshy aýylyndaǵy oblystyq jedel járdem stansasynyń otyz shaqty feldsheri men júrgizýshisi jumysqa shyǵýdan bas tartyp, memleketten koronavırýs indeti kezinde ústemaqyny bárine birdeı berýdi talap etti.
Júrgizýshi Dosbol Dalabekov naýryz aıynda jalaqysynan bólek bank kartasyna 11 myń teńge túskenin aıtyp, "bul ne aqsha, eger koronavırýs úshin berilgen aqsha bolsa, bermegeni durys" dedi.
Onyń sózin qoshtaǵan feldsherler bılikten ne sebepti Nur-Sultan qalasyndaǵy jedel járdemniń koronıvırýspen jumys istegen tobyna memleket bólgen ústemaqyny tolyq kólemde alǵanyn, ózderiniń qalys qalǵanyn túsindirýdi talap etti. Mekemeniń aǵa feldsheri Aıgúl Betenbaeva aýyl feldsherleriniń ústemaqyny qalaı alatynyn sheship otyrǵan komıssııa ókilderiniń aralaryna kelip birge jumys isteýin surady. Aıtýynsha, ústemaqyny esepteýge kelgende jergilikti bılik ózderin koronovırýsty tasyǵan saǵatyn ǵana sanap, al oǵan barmaǵan feldsherler men júrgizýshilerdi tizimnen shyǵaryp tastaǵan.
Narazy feldsherler "Bizdi koronavırýspen aýyrǵandarmen qatynasta bolmady degenmen biz olardy kúnde tasymaldaǵan áriptesterimizben birge kezekshilikte júrmiz. Qalaı bizdi baılanysta bolǵan joq dep tizimge engizbeıdi? Bul ádiletsizdik. Bireýge 146 teńge ǵana bergen. Bul ne mazaq?" dedi.
Jedel járdem qyzmetkerlerimen Aqmola oblystyq jedel járdem stansasynyń bas dárigeri Aleksandr Vysokıı men elınograd aýdany ákimdigi qyzmetkerleri kezdesti.
elınograd aýdany ákiminiń orynbasary Alma Aıtqojınova feldsherlerge "jumysqa kelgende qandaı jalaqy alatynyn bildińizder" dep sógip, taǵy qosymsha birneshe jumys isteýge shaqyrdy.
5 mamyrda da Aqmola oblysy elınograd aýdanynyń jedel járdem qyzmetkerleri bılikten qosymsha ústemaqy talap etken edi. 6 mamyrda olarǵa quqyq qorǵaý organdary eskertý jasaǵan.
Bul – jedel járdem qyzmetkerleriniń birinshi narazylyǵy emes. Buǵan deıin Aqtóbe, Nur-Sultan, Aqtaý qalasy jedel járdem qyzmetkerleri de narazylyq bildirip, bılikten pandemııa kezinde qosymsha ústemaqy talap etken.
30 naýryzda Qazaqstan bıligi koronavırýspen kúresýge atsalysqan dárigerler jalaqysyna qyzmetiniń qaýiptiligine qaraı 212 myń - 850 myń teńge aralyǵynda ústemaqy qosylatynyn jarııalaǵan.
centralasian.org
