Qasym-Jomart Toqaev qazaqstandyqtardy Otan qorǵaýshy kúnimen quttyqtady

2877
Adyrna.kz Telegram

Memleket basshysy, QR Qarýly Kúshteriniń Joǵarǵy Bas qolbasshysy Qasym-Jomart Toqaev qazaqstandyqtardy Otan qorǵaýshy kúnimen quttyqtady.

Qurmetti otandastar!

 

Barshańyzdy Otan qorǵaýshy kúnimen quttyqtaımyn!

Aıbyndy armııamyzdyń dańqty dástúri keń-baıtaq jerimizdi janqııarlyqpen qorǵap qalǵan batyr babalarymyz ben Uly Otan soǵysy ardagerleriniń óshpes erliginen bastaý alady. Búginde áskerimiz Táýelsiz Qazaqstannyń berik qalqany retinde jaýyngerlik sheberlik pen asqaq rýhtyń ozyq úlgisin kórsetip keledi.

Bul merekede biz óz ómirin Otan qorǵaýǵa arnaǵan, antyna adal jandarǵa erekshe qurmet kórsetemiz. Memlekettik shekaramyz ben áýe keńistigimizdi kúzetip, armııa jáne flot bólimshelerinde áskerı boryshyn ótep jatqan barlyq sarbazǵa shynaıy rızashylyǵymdy bildiremin.

Koronavırýs indetimen kúrestiń aldyńǵy shebinde júrgen áskerı qyzmetshiler, sonyń ishinde arnaýly jıyndarǵa shaqyrylǵan azamattar da alǵysqa laıyq. Olardyń eren eńbegi – shynaıy patrıotızm men elge qyzmet etýdiń jarqyn kórinisi.

Memleketimizdiń qorǵanys áleýetin kúsheıtý, áskerı qyzmetshilerdiń ózderin jáne otbasyn qoldaý basty mindetimiz bolyp qala beredi.

Sizderge zor densaýlyq, baq-bereke jáne eldik múdde jolyndaǵy abyroıly ári mártebeli qyzmetterińizge tolaıym tabys tileımin!

 

 

Pikirler