"Qazaq radıolary" IýNESKO habarlaryna ún qosyp júr

280

Koronavırýs indeti jahandyq pandemııaǵa aınaldy. Qazaqstan da osy apattyń zardaptaryn bastan keshýde. Qazirgi jaǵdaıda árbir qazaqstandyq memlekettiń indetpen kúresý, aldyn alý is-áreketterin qoldaýy qajet.

Tótenshe jaǵdaılarda radıonyń aqparat taratý men turǵyndardy apattan qutqarýne saqtandyrýdaǵy orny erekshe. 100 jyldyq tarıhy bar radıo eldegi eń iri habar taratý jelisi. Muny halyqtyń 90% -dan astamy, sonymen qatar Reseı, Qytaı, Qyrǵyzstan jáne Ózbekstannyń shekaralas aımaqtarynyń turǵyndary tyńdaıdy. Sondyqtan, qazaq radıosy efırinen taraǵan ár aqparat tyńdarmandardyń kóńiline jaqyn, senimine berik.

IýNESKO jalǵan aqparatpen kúresý bastamasyn qoldaýǵa shaqyrady. IýNESKO búginde vırýstyń taralýynyń aldyn-alý, qorǵaý, jalǵan aqparatqa qarsy turý úshin álemdegi radıostanııalardy jumyldyrdy. COVID-19 vırýsynyń taralýynyń aldyn alý jalǵan aqparatqa qarsy turý – basty aqparat bolyp otyr.

COVID-19 týraly jalǵan aqparatqa qarsy turý jáne salaýatty ómir saltyn nasıhattaý maqsatynda IýNESKO álemniń túkpir-túkpirindegi radıostanııalar erkin paıdalana alatyn birqatar aýdıo habarlamalardy shyǵardy. IýNESKO bul resýrstardy vırýspen birge senimdi emes aqparattyń zııandy saldarynyń aldyn alý úshin usyndy. Qysqa aýdıo habarlamalar indettiń aldyn alý sharalary týraly paıdaly aqparat beredi, vırýs týraly ańyzdardy taratpaý, yntymaqtastyqtyń mańyzdylyǵyn kórsetedi. Bul habarlamalar tek aǵylshyn, franýz, ıspan jáne arab tilderinde taratylatyn bolsa, qazir olar qazaq tilinde tyńdarmanyna jol tapty.

Dybystyq klıpti ál-Farabı atyndaǵy QazUÝ jýrnalıstıka kafedrasynyń baspasóz jáne elektrondy BAQ kafedrasynyń shyǵarmashylyq toby daıyndady. Qazaq tiline professor Gúlmıra Sultanbaeva, orys tiline PhD doktorant Aıtolqyn Ashımova aýdardy. Dybystaǵan PhD doktory Zarına Býenbaeva. Dybysqa jaýapty saýnd Sovethan Qońyrbaev («Qazaq radıosy» Almaty stýdııasy).

Aýdıo habarlamalar kez-kelgen tyńdaýshyǵa qol jetimdi. Olar tegin júkteledi jáne álemniń ár túkpirindegi memlekettik, jeke jáne qoǵamdyq radıostanııalar efırge tarata alady. «Qazaq radıosy» - shynaıy jáne obektıvti aqparat taratýǵa shaqyrady.

«Qazaq radıolary» JShS

Pikirler
Redakııa tańdaýy