Ardaqty QASYMJOMART KEMELULY!
Bul elde adamsyz ǵoı menen iri.
Aıaqtaı apat kelgen jerge baryp,
Kórmeısiz kózińizben nege muny?
Súıgen qul bolǵannan soń synalasyń,
Aq úıden demeý kútip tur Alashym.
Qunyn ber qulap qalǵan shańyraqtyń,
Rýhtary jigitterdiń qulamasyn.
Qazaqtyn analary jylamasyn!
Óziń bar, aǵa, tezdep amaldańdar!
Halyqqa kerek emes shabarmandar.
Tilsiz jaý - sýdan qashyp tentirep júr,
Keshegi ý-dan qashyp qamalǵandar.
Mal da joq, endi ómirin súrmek nemen?
Topanda qaldy múlki tirnektegen.
Aýylyn qaraılaıdy azamattar,
Dalada bala jatyr dirdektegen...
Halqymnyń shyryldatyp shybyn janyn,
Baıqaýsyz qyldyq degen munyń bárin,
Kókeıde bir suraq bar óz betimen
Óteı me "ózaǵamyz" shyǵyndaryn?
Basylmaı Maqtaralda aǵyn kúshi,
Pendeniń bola almaspyn sabyrlysy,
Ordaly ońtústikten Aqjaıyqqa,
Jetse eken jańalyqtyń jaǵymdysy...
