Máýlen Áshimbaev Senat Tóraǵasy boldy

3728
Adyrna.kz Telegram

Máýlen Áshimbaev Prezıdent Ákimshiligi basshysynyń birinshi orynbasary qyzmetinen bosatylyp, Senat depýtaty, artynsha tóraǵasy  bolyp taǵaıyndaldy, - dep habarlaıdy "Adyrna" Aqordaǵa silteme jasap.

"Memleket Basshysynyń Jarlyǵymen Máýlen Saǵathanuly Áshimbaev Qazaqstan Respýblıkasy Prezıdentiniń Ákimshiligi Basshysynyń birinshi orynbasary qyzmetinen bosatyldy. Memleket Basshysynyń Jarlyǵymen Máýlen Saǵathanuly Áshimbaev Qazaqstan Respýblıkasy Parlamenti Senatynyń depýtaty bolyp taǵaıyndaldy", - delingen habarlamada.

Máýlen Saǵathanuly Áshimbaev 1971 jyly Almatyda dúnıege kelgen. Ál-Farabı atyndaǵy Qazaq Memlekettik Ulttyq ýnıversıtetin támamdaǵan. Saıası ǵylymdarynyń kandıdaty. Ýnıversıtetti bitirgennen soń 1993-1994 jyldary Baspasóz jáne buqaralyq aqparat mınıstrliginiń júıesinde jumys istedi.

1994-1995 jyldary - Qazaqstan Respýblıkasy Joǵarǵy Keńes depýtatynyń kómekshisi. 1995 jylǵy maýsym - qarasha aralyǵynda - Qaýipsizdik keńesi apparatynyń konsýltanty.1995-1999 jyldar aralyǵynda Qazaqstan Respýblıkasy Prezıdenti Ákimshiligi Saraptaý jáne strategııalyq zertteýler ortalyǵynyń bas sarapshysy, sektor meńgerýshisi, osy ortalyq jetekshisiniń birinshi orynbasary. 1999-2000 jyldary - Qaýipsizdik keńesi Saraptaý ortalyǵynyń meńgerýshisi.

2000-2002 jyldary - Qaýipsizdik keńesi Saraptaý ortalyǵynyń meńgerýshisi - Qazaqstan Respýblıkasy Prezıdenti janyndaǵy Strategııalyq zertteýler ınstıtýtynyń dırektory. 2002-2005 jyldary - Qazaqstan Respýblıkasy Prezıdenti janyndaǵy Strategııalyq zertteýler ınstıtýtynyń dırektory. 2005-2006 jyldary - Qazaqstan Respýblıkasy Qaýipsizdik keńesi hatshysynyń orynbasary. 2006-2011 jyldary - Qazaqstan Respýblıkasy Prezıdenti Ákimshiligi Basshysynyń orynbasary.

2012 jylǵy aqpan - 2016 jylǵy qańtar aralyǵynda - V saılanymdaǵy Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń tóraǵasy. 2016 jylǵy 25 naýryzdan bastap VI saılanymdaǵy Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń tóraǵasy qyzmetin atqarǵan bolatyn. "Qurmet" jáne "Parasat" ordenderimen marapattalǵan. 2003 jyly Djons - Hopkıns ýnıversıtetiniń Halyqaralyq zertteýler mektebinde (AQSh) ǵylymı stajırovkadan ótti.

Aǵylshyn tilin erkin meńgergen. Úılengen, úsh balasy bar.

Pikirler