Kommýnaldyq qyzmetter boıynsha kómekke ótinimdi qashan berýge bolady?
Basqa adam kommmqyzmetterdi tóleýge ótinim bere ala ma?
"Iá, jaqyn týys nemese basqa ýákiletti tulǵa. Bul rette rastaıtyn qujattar talap etilmeıdi", - dedi ol.
Eki aıdyń tólemi 30 myń teńgeden az bolsa, onda qaldyǵy qaıtaryla ma?
"Joq, qaldyq kelesi aılarǵa tólem shotyna ótedi", - dedi ol.
Sáýir aıynda úlgermegender mamyr aıynda ala ala ma?
"Iá, tólem mamyr aıynda bastalady, óıtkeni sáýir aıynyń esebi mamyr aıynda qoıylady. Sondyqtan kúte turý kerek", - dedi Beıbit Shahanov.
Siz jaldamaly páterde tursańyz?
"Qazir ákimdikterge muqtajdar sanaty turatyn shottar boıynsha tólemder jiberýge múmkindik beremiz", - dedi ol.
Onyń aıtýynsha, qazaqstandyqtardan kún saıyn ótinish kelip túsedi. Aldyn ala esepteýler boıynsha, 1 mıllıon 600 myń adam kómek alady.
Memlekettik organdardyń usynysy negizinde tólem alýshylardyń kelesi sanattary anyqtaldy:
- 1, 2, 3 top múgedekteri;
- múgedek balalardy tárbıelep otyrǵan otbasylar;
kópbalaly otbasylar; - Uly Otan soǵysynyń múgedekteri men qatysýshylary, Uly Otan soǵysy múgedekteri men qatysýshylaryna teńestirilgen tulǵalar;
- memlekettik nemese qoǵamdyq mindetterin, áskerı qyzmetin oryndaý barysynda, ǵarysh keńistigine ushýǵa daıyndyq barysynda nemese ushý kezinde, adam ómirin qutqarý jáne quqyq tártibin saqtaý kezinde qaza tapqan tulǵalardyń otbasylary;
- tómen jáne odan az zeınetaqy alatyn zeınetkerler;
- ataýly áleýmettik kómek alatyn azamattar, onyń ishinde jalǵyzbasty zeınetkerler.
