Belgııanyń «Anderleht» fýtbol klýbynyń jartylaı qorǵaýshysy, franýz Samır Nasrı BAÁ-de koronavırýstyq pandemııa kezinde joǵalyp ketti, - dep habarlaıdy álemdik BAQ.
Basylymnyń málimetinshe, Belgııanyń «Anderleht» fýtbol klýbynyń 32 jastaǵy fýtbolshysy Samır Nasrı BAÁ-ge naýryzdyń sońynda, onyń komandasy karantınge ketken kezde barǵan. Sol ýaqyttan beri ol baılanysqa shyqpaǵan, sonymen qatar áleýmettik jelilerde fotolar men jazbalar jarııalaýdy toqtatty.
1 sáýirde óziniń Instagram paraqshasyndaǵy sońǵy jazbasynda "Marsel" fýtbol klýbynyń burynǵy prezıdenti Pap Dıýftyń koronavırýstan qaıtys bolýyna baılanysty kóńil aıtqan.
«Anderleht» jattyqtyrýshylar quramy barlyq oıynshylarǵa ózderiniń is áreketteri týraly basshylyqty habardar etýdi, sonymen qatar jattyǵýlar týraly esepterdi arnaıy qosymshalarǵa jiberýdi mindettegeni atap ótilgen. Nasrı bul erejeni saqtamaǵan jalǵyz brıýsseldik oıynshy boldy.
Samır Nasrı «Anderlehtke» 2019 jyldyń jazynda aǵylshyndyq «Vest Hemnen» erkin agent retinde qosyldy. Franýz fýtbolshysynyń mansabyndaǵy eń tanymal klýbtar "Manchester Sıtı" men "Arsenal" boldy. Franııa ulttyq quramasynyń sapynda ol alańǵa 41 ret shyqqan.
