Ýkraınada sońǵy kezde "Mıhaıl Saakashvılıdi premer mınıstr qylý kerek" degen usynystar qaıtadan shyǵa bastady.
Táýelsiz uıymdar saýalnama júrgizgen eken, tizimdi óz reıtıngi boıynsha Saakashvılı bastap tur eken.
Keshe Andreı Illarıonovtyń suhbatyn tyńdaǵanmyn, moıyndaý kerek, ol kisi myqty analıtık. (jáı adam prezıdent keńesshisi bolmaıdy ǵoı)
Illarıonov árdaıym sózine qulaq túre júrý qurmetine ıe sondaı bedeldi kisi. Sol kisi "Saakashvılı Pýtınnen de artyq myqty basshy, shyn máninde Mıhaıl krýtoı jigit" dep grýzın qaıratkerine baǵasyn berip saldy.
Jalpy, shyny kerek Saakashvılı Grýzııada keremet reformalar jasady.
Ol - Grýzııa bankrot bolǵanda bılik basyna kelip ózi bılikten ketkende ornyna kelgen orysshyldarǵa damý jolyna nyq túsken basqa Grýzııany tastap ketti.
Qazir sol orysshyldar Saakashvılı salyp ketken týrıstik Grýzııanyń jemisin jep otyr.
Grýzınder halyq retinde sondaı basshyny baǵalaı almady degen pikirdemin.
Olar saılaýda Saakashvılıdi urlyqpen baıyp alǵan orysshyldarǵa jyǵyp berdi. Esil er sosyn bas saýǵalap elinen ketýge májbúr boldy.
Jalpy, Saakashvılı bılik basyna kelgende grýzınder urlyqpen qatty astasyp neniń oń, neniń sol ekenin aıyrýdan qalǵan eken. Tipti urlyqtyń qylmys ekenin de aıyrmaıdy eken.
Elde eki grýzınniń bireýi - vor, polıııa da ury, mınıstiri de jemqor, depýtaty - baýkespe qaraqshy, ákimi - suǵanaq, Grýzııa ábden shirip ketken edi.
Al Saakashvılı bılikten ketkende urylar túrmelerge lyq tolyp, úkimette para alatyn adamdar qalmaǵan, tap taza úkimet jasaqtap ketken.
"Vor zakondar" Ýkraına, Reseıge, TMD elderine japatarmaǵaı qashty. Qashpaǵanyn bul quryqtady.
Al oǵan sheıin urlyq degen nárse Grýzııada qalypty nárse bop sanalyp ataqty ury - "vor zakondar" grýzınder úshin kádimgideı qurmetti, syıly, qadirli adamdar bopty. Aldaryna baryp qoldaryn súıip, bastaryn ıedi eken. Olardy gúrji batyrlary deıtin kórinedi.
Mıhaıl ishki ister mınıstirine "anaý taýdyń basyndaǵy vıllanyń qojaıynyn dereý quryqta" dep buıryq qylsa, mınıstr "oı baseke, ol "Vano túgenshe" degen ataqty ury, onyń qudasy depýtat, inisi sot, aǵasy túgenshe, men ony isteı almaımyn, keshirińiz" dep kúmiljıdi eken.
Sondaı kezde qylshyldaǵan jas, ór minezdi Saakashvılı "júr endeshe tús aldyma" dep mınıstirin aldyna salyp operaııany ózi bastap shyǵady mys..
Shyn sondaı oqıǵalar da bolǵan eken.
Qysqasy, aq pen qarany aıyra almaǵan halyq ta ábden azyp ketipti. Abaı aıtpaqshy, jaqsymenen jamandy da aıyrý qabiletinen ajyrap sanasyz tobyrǵa aınalǵan ǵoı. Sol tobyr aqyry urylaryn tym - tyraqaı qylyp qýyp kózderin ashqan Saakashvılıdi túsinbeı de keshpeı qańǵyrtyp jiberdi.
Ana bizde bireýler "ryjıı almaz", "atabalardy" halyq batyrlary, ultshyldar dep esirgende, bizden men de osyndaı qaýipti nyshandardy baıqap osyǵan qatty alańdap otyramyn. Bundaı ıisalmastar bizde de kóp.
Orys ıntellektýaly Iýlııa Latynına "Saakashvılı - genıı" dedi, "biraq ol grýzınderge balyq aýlap bergen adam jáne ol osy jerde ońbaı qatelesti, ol grýzınderdiń qolyna qarmaq berip olarǵa ózderi balyq aýlaýdy úıretý kerek edi" degen edi. Meniń buǵan alyp qosarym joq.
Qazir endi osy Saakashvılı Ýkraına bıligine basty úmitkerlerdiń biri. Bóten elde bılikke talasyp júr.
Basqasy qurysa da bul jigit ólmeıdi. Bes - alty tilde erkin sóıleıdi. Óte saýatty, bilimdi, basy tolǵan tyń ıdeıa. Sózge sheshen, minezi tikbaqaı, qyzý, harakteri jetedi, adýyndy adam. (Onsyz bolmaıdy)
Halyqaralyq deńgeıde óte bedeldi adam.
Isker, buryn istegen, bastysy aıtqanyn isteı biledi jáne isteı alady.
Ádil jáne buqarashyl, halyqshyl adam. Halyqpen jumys isteı alady. Bul ony qatyrady.
Men Qazaqııanyń keleshek reformator basshysyn tap osy kisideı elestetemin.
Oljas Ábil
