Almatydaǵy Ortalyq qalalyq aýrýhananyń 110 qyzmetkerinen koronavırýs anyqtaldy. Bul týraly qalalyq qoǵamdyq densaýlyq saqtaý basqarmasynyń basshysy Tileýhan Ábildaev habarlady.
Onyń aıtýynsha, sońǵy táýlikte Almatyda 174 adam koronavırýs juqtyrǵan.
"Jańadan anyqtalǵan 174 adamnyń 58-i naýqaspen baılanysta bolǵan azamattar. Sonymen qatar ishinde balalar qalalyq klınıkalyq juqpaly aýrýlar aýrýhanasynyń 1 qyzmetkeri, ortalyq qalalyq klınıkalyq aýrýhananyń 110 medıına qyzmetkeri, medıınalyq jedel járdem qyzmetiniń 2 qyzmetkeri, №32 qalalyq emhananyń 1 qyzmetkeri, №11 qalalyq emhananyń 1 qyzmetkeri, №1 qalalyq klınıkalyq aýrýhananyń 1 qyzmetkeri bar", - dedi Ábildaev.
Aıta keteıik, búginde Almatyda 346 adamnan koronavırýs anyqtaldy. Olardyń altaýy - balalar, úsheýi - júkti áıelder.
Qazaqstan boıynsha naýqastardyń sany 1 179 adamǵa jetti. 138 adam jazylyp shyqty, 14 adam qaıtys boldy.
"Adyrna" ulttyq portaly
