(Saǵyl áńgime)
Ol óte talantty edi...
Ómirdi súıip jyr jazdy!
Jastaı jetim qalǵan bozbala renjip, búgilip, ókinip kórgen emes!
Jarqyrap janǵan kózderi-jaratqanǵa jasaýramaı qaraıtyn.
Án salyp júretin.
Jyr jazyp júretin.
Áldekimge kómektesip bara jatady...
Áldekimge kómektesip kele jatady...
Sol túni, bir top aqyn jigitter dýyldap bas qosty!
Buny ortaǵa alǵan.
Ishseńshi, - degen.
Bul; ishe almaımyn, - dep edi.
Týysy kóp, jazýshylar odaǵynda "myqty" aǵasy bar kórkókirek jigit-qasyna bir qyzdy ertip kelipti...
Esirik neme; qasynda názik jan bar degen sezimnen ada-qysylýsyz, qamsyz aýyzben boqtyqty ezip qusady...
Úrkek serigi, bota kóz bala-uıalyp alaýlaıdy...
Tún aýa qyz "qaıtamyn" dedi.
-Kete ber, - degen sengeni...
-Durys emes ǵoı, -dedi bul...
-Emeshegiń ezilip tursa, bar shyǵaryp sal...
Boıy shaǵyn boıjetken buǵan basynda tosań qaraǵanymen, sheshile kele áńgimelesip ketti...
-Siz, nege Almatyǵa ketip qalmaısyz...
-Maǵan osy qala unaıdy.
-Almatyda jyr súıer qaýym bar ǵoı...
-Almaty da osy...men kimge kerekpin?
-"Qara túnde myna ómirmen qoshtastym"... deliner óleńińiz keremet!
-Rahmet!
-Sizdi, sizdi bári jaman adam deıdi...
-Iá, jaman deıtinin bilemin...
Naızaǵaı shatyrlap jarqyldady. Bóten qyz jabysyp qysyldy - keýdesine.
-Kirińiz, qurby qyzdarmen ǵana turamyn. Shaı ishińiz...
-Rahmet!
Saǵat eki bolypty, páterge qala ortasyndaǵy orys zıraty ishimen tartty...
Úzeńgisi sýyq úreı-aıaǵyn shiderleı beredi.
Naızaǵaı aspandy jyrta jaryldy...
Ón boıy jarq etip kúıe ysydy.
Esin jısa, qarsy aldynda qap-qara túnergen áldekim otyr...
-Kimsiń...
Bul túk aıta almady.
-Sender meni qurtqan...dedi Ol.
Jylady.
-Sóıle!
Ne aıtpaq?
-Óleń oqyp bereıin!
-Oqy!
...Óleń oqyp ólem men..
Ólerimniń aldynda!
Aq qaǵazǵa jazyp ketem
Aryzymdy taǵdyrǵa...
Jalǵyz molam basynda,
Qazaq tili turady!
Sonda bolar
Áńkúr-múńkir suraǵy...
-Toqta, kóńildi birdemeńdi oqyshy!
-Bári ótedi!
Shyńǵyshannyń qaharyndaı taýsylyp..
Ar ótedi...
Arsyz kúnin qaýsyryp...
Qazaq ǵana qalady!
Aqqan jasyn irkip-ap.
Keýdesinen jýsan ısi burqyrap!
Shyrqaý kókte atqan oǵy shyrqyrap...
-Aqynbysyń?
-Bilmeımin...
-Batyrmysyń?
-Joq!
-Al, siz kimsiz...
-Men adamzat adassa - alyp shyǵamyn dep kelip em! Men adamzat qaraısa-aǵartamyn dep edim...Men adamnyń aq týy bolsam dep em,aıdynyndaǵy aqqýy bolsam dep em...
Joq, olar menen asty! Arsyzdyqtan da, aldaýdan da...
...Bul jubatpaqqa qol sozǵan-saýsaqtary otqa tıgendeı tyz etti...
-Óleń oqyshy!
-...Óleń oqy, qas úıinde dos úshin!...
Uzaq óleńderin oqydy, saǵattar toqtap qalǵan sekildi!
Qaraly jandy baýyryna tartty...
Kúıip barady!
Janyp barady!
Shydaý kerek - ol úshin...
Jurt úshin...
Tań atty.
...Qala zıraty ortasynda jas shaıyrdyń máıiti jatty. Qasyndaǵy perızat júzdi perishte oǵan qarap, óksip jylaýda eken!
Naızaǵaı túsken denesi-qara qoshqyldanyp ketipti...
Aqyndy kómgen kúni jańbyr uzaq jaýdy...
Dostary; sol kúni mas bolyp ketkenin aıtty tergeýshige...
Polıııa ǵımaraty ústinde appaq perishte otyrdy, oń betine qara daq túsip qapty...
