Merki aýdandyq aýrýhanasynda bolǵan jaǵdaı mınıstrge jetti
Jambyl oblysynda «Dıplommen aýylǵa» baǵdarlamasymen aýdan ortalyǵyna kelgen jas dárigerler jumystan ketýge májbúr. Koronavırýspen kúresip jatqan olar Merki aýdandyq ortalyq aýrýhanasyn basqaryp otyrǵan apaly-sińlili týysqandar tarapynan qysym kórip otyrǵandaryn aıtady. 84 myń halyqtyń densaýlyǵyna jaýapty aýrýhana qyzmetkerleri tıisti jabdyqtar berilmegendikten, maskany da ózderi tigedi dep habarlaıdy Azattyq Rýhy.
AÝDANDA BIR DÁRIGER KORONAVIRÝS JUQTYRDY
Buǵan deıin dáriger-ınfekıonıst Tolqynaı Ordabaeva óziniń koronavırýs juqtyrýyna Merki aýdandyq aýrýhanasynyń basshylaryn aıyptaǵan edi. Úsh kúnnen beri koronavırýs indetimen kúresip jatqan Tolqynaı mekeme basshylyǵynyń nemquraılyǵynan dertke shaldyqtym dep otyr.
«Ystyǵym 39-40 gradýsqa deıin kóterilgen edi. Qazir tústi. Biraq koronavırýsqa qarsy iship jatqan dáriler óte aýyr bolǵandyqtan, azqazanym da aýyryp jatyr. Tamaǵy jaqsy, biraq bólme ańyrap tur, terezeden sýyq soǵady. Eki adam jatyrmyz. Maǵan qaýipti kesel karantınde jatqan naýqastardan juqqan.
Ortalyq aýrýhana ákimshiligi qysym kórsetip, medıınalyq betperdeni ózimizge tiktirdi. Aýrýlarmen tikeleı jumys istesek te qajetti qorǵaný quraly berilmedi. Aýyryp turǵannyń ózinde, jumystan bosatqylary kelmedi. Óıtkeni, ózge ınfekıonıst vırýs juqtyrýdan qorqyp, kelmedi», - deıdi Tarazdaǵy ınfekııalyq staıonarda koronovırýstan emdelip jatqan Tolqynaı Ordabaeva.
AÝRÝHANA BASShYLYǴY APALY-SIŃLILI TÝYSQANDAR
Mınıstr Birtanovqa deıin shaǵymdanǵan dáriger-ınfekıonıst karantındegi naýqastarǵa qosymsha tekseris jasalmaı, úılerine jiberilgenin aıtady. Onyń sózinshe, aımaqta vırýspen kúresip jatqan dárigerlerge múldem jaǵdaı jasalmaǵan. Merki aýdandyq ortalyq aýrhanasyn apaly-sińlili týysqandar basqarady.
«Bizdiń aýdandyq aýrýhananyń bas dárigeri medıına salasyna esh qatysy joq, ekonomıst Danııar Núsipbaev degen 1988 jylǵy jas jigit. Medıınany múldem túsinbeıdi. Al búkil isti júrgizip, aýrýhanany basqaratyn - Jańyl Shoıbekova. Shoıbekovanyń týǵan sińlisi aýrýhananyń bas býhgalteri. Bul ekeýi de Jambyl oblysy Qoǵamdyq densaýlyq saqtaý basqarmasynyń basshysy Marat Jumanqulovtyń týǵan baldyzdary. Sondyqtan oılaryna kelgenderin istep otyr. Jumystan shyǵarý, jumysqa alý, aqsha alý qalypty jaǵdaı», - deıdi T. Ordabaeva.
Tarazda emdelip jatqan Tolqynaı Merki aýdandyq ortalyq aýrýhanasyna osydan eki jyl buryn jas maman retinde kelgen. Dáriger-ınfekıonıst koronavırýspen aýyryp jatsa, basshylar qoldaý kórsetýdiń ornyna, málimdemeden keıin qýdalaýdy bastaǵanyn aıtady. Onyń kabınetine tintý júrgizip, júzdegen medıınalyq maska, qolǵap, taǵy basqa da qorǵanysh quraldaryn tapqan. Sóıtip, koronavırýsqa qarsy qorǵanysh quraldary berilmedi degen málimdemeni joqqa shyǵarǵan.
BUǴAN DEIIN 8 JAS MAMAN KETIP QALǴAN
Tolqynaıdyń sózderin basqa da áriptesteri rastap otyr. Qalamqas Tórequldyń sózinshe, aýrýhanada basqa da zańǵa qaıshy áreketter bolǵan.
«Tolqynaıdyń kabınetin tintip, bálen dúnıe taptyq dep jatyr. Polıııany ertip alypty. Aýrýhanada kameralar joq. Kimniń ne ákelip tastaǵanyn dáleldeı almaısyń. Osyndaǵy stomatolog, hırýrg, onkolog birneshe dáriger baryp, bularyń uıat, Tolqynaıdyń kabınetine kúnde kiremiz, mundaı zattar bolmaǵan dep aıtyp kettik. Ún joq. Maǵan qarsy da aram áreketter uıymdastyryldy. Bylyqtaryn betterine aıtqanda, meniń ústimnen turǵyndar arqyly aryz jınaǵan. Oblysta «kryshamyz» bar, ne isteı alasyńdar dep aıtady», - dedi atalǵan aýrýhananyń taǵy bir dárigeri Qalamqas Tórequl.
Sýrette: Merki aýdandyq aýrýhanasy
27 jastaǵy jas maman Qalamqas ózine bólim meńgerýshisi Gúlmıra Manaqbaeva, Jańyl Shoıbekova jáne Ishki aýdıt jetekshisi Smaǵul Serkebaıuly qysym kórsetkenin aıtady. Ol qajetti qorǵanysh quraldary qyzmetkerlerge shynymen berilgen joq dep otyr. Sondyqtan, basqa áriptesteri sekildi Qalamqas ta ózine maska tigip alǵan.
«Zańsyzdyqty aıtqanda kelisimge keleıik dedi Shoıbekova. Ár jazba saqtaýly mende. Áli strespen júrmiz. Bastyqtar «shý basylsyn, birińnen keıin birińniń kózderińe kók shybyn úımeletemiz» dep qorqytyp jatyr. Osy jerden qalaı da ketkim keledi. Buǵan deıin 8 jas maman ketip qaldy. Dıplommen aýylǵa dep bergen memlekettiń aqshasyn da qaıtaryp, ketip qalǵymyz keledi.
Eki jyldan beri bulardyń bylyqtaryna shydap kelemiz. Tirkeýdegi turǵyndardyń densaýlyǵyna dep mıllıondap aqsha bólinedi. Ýchaskelik dáriger, medbıkelerdiń shotyna artyq aqsha aýdarady. Dárigerlerden 70-80 myń, kishi qyzmetkerlerden 30-40 myń teńgeni qaıtadan ózderiniń kabınetterine aldyrtady.
Mektep dırektorlary deısiz be, bastyqtarǵa jumysqa jaramsyzdyq paraǵyn ashtyrtady. «Naýqastar» kelmese de olardyń JSN-in jiberedi de, ash deıdi. Mine, mende skrınshoty da bar topqa jibergen. Ondaı ótirik paraq bilinip qalsa keıin kim jaýap beredi? Bas dáriger anaý qyzmettik kóliginiń nómirin 088 dep týǵan jylymen birdeı etip jasatyp, áıelin tasyp, dúken aralap júr», - dedi zańsyzdyqtardy jipke tizgen dáriger Qalamqas Tórequl.
Sýrette: Merki aýdandyq aýrýhanasyń bas dárigeri Danııar Núsipbaevtiń qyzmettik kóligi
«DINASTIIaMYZBEN DÁRIGERMIZ» - AIYPTALÝShY ShOIBEKOVA
Al Merki aýdandyq aýrhanasy bas dárigeriniń orynbasary Jańyl Shoıbekova óziniń oblystyq densaýlyq basqarmasy basshysymen jaqyndyǵy bar ekenin jasyrmaı, sińlisi Zamıra Muqanovanyń da osy aýrýhanada bas esepshi ekenin rastady.
«Olardyń aıtqandary shyndyqqa janaspaıdy. Tolqynaı kelgen saıyn ózi qoldansyn dep qorǵanysh quraldary beriledi medbıkesi ekeýine. Ol ınfekııalyq aýrýlardy qaraıdy. Sondyqtan únemi qorǵanysh kostıýmderi berilip turady. Ol bárin óziniń oıynan shyǵaryp jatyr. Ózderi sondaı adamdar, aryzdy jaza beredi jan-jaqqa. Jumysymyzǵa bóget jasap otyr. Sińilim 20 jyldan beri osynda, qazir bas býhgalter. Oblystyq basqarmadaǵy kúıeý balam da ýnıversıtet bitirgeli osy medıına salasynda. Dınastııa bolyp jumys isteıtin otbasylar bar ǵoı», - dedi medıına salasynda óziniń 34 jyldyq tájirıbesi bar ekenin eskertken Jańyl Beısenqyzy.
«MEN EKONOMISPIN» - BAS DÁRIGER
Merki aýdandyq ortalyq aýrýhanasynda 126 dáriger men orta dárejeli 411 qyzmetker jumys isteıdi. Olar aýdandaǵy 84 myń halyqtyń densaýlyǵyna jaýapty. Ózara tartys tolastamaı turǵan aýrýhananyń bas dárigeri qazir komısısıa kelip, tekserýdi bastap ketkenin aıtty.
«Bas dárigerdiń mindetin atqarýshy bolyp otyrǵanyma 6 aıdaı boldy. Men ekonomıspin. Shoıbekova - meniń orynbasarym. Al onyń sińilisi Muqanova - bas býhgalter. Qajetti qorǵanysh quraldary bar. Basqa eshteńe aıta almaımyn», - dedi Merki aýdany ortalyq aýrýhanasy bas dárigeriniń mindetin atqarýshy Danııar Núsipbaev.
Dárigerler isti prokýratýra tekserýi kerek dep sanaıdy. Óıtkeni, basshylyqqa qarsy shyqqan jas dárigerler oblystan kele beretin komıssııaǵa da, ishki aýdıtke de senbeıdi.
«Maǵan da, janymdaǵy hırýrgke de indetke qarsy kostıýmder bergen joq. Juqtyrý qaýpi bizde de joǵary. Bir aıǵa jetkizińder dep, eki saǵatqa qana jaraıtyn maskadan úsheý berdi. Amalsyz tanys izdep, maska tigýshilerden satyp alýǵa týra keldi. Áriptesimiz jumysta júrip, koronavırýs juqtyrdy. Onsyz da stress alǵan adamdy kerisinshe, qoldaý kerek, qýdalamaı. Otbasymen basqaryp otyr degendi jaýapty organdar baǵalap, sheshim shyǵarýy tıis»,- dedi atalǵan aýrýhananyń dáriger-travmatology Hamza Selımov.
Densaýlyq saqtaý mınıstrliginiń baspasóz hatshysy Dıas Ahmetsháriptiń sózinshe, is mınıstrdiń tikeleı baqylaýynda. Tekseris qortyndysy keıin jarııalanady.
Ámirbolat Qusaıynuly, Almaty
