Eńbek mınıstri "2000-daı joǵarǵy jalaqy alatyn adamdar 42500 teńge alýǵa ótinish jasapty. Bulaı isteýi moralge jatpaıdy" degen sııaqty "áńgime" aıtypty. Feısbýktegi talaılar da mınıstrge qosylyp "jaǵalaryn ustap jatyr". "Qalaı ǵana sondaı ótinish jasaýǵa dátteri bardy eken uıatsyzdar" dep.
Birinshiden, bıliktiń halyqqa moral oqıtyn qaqy bar ma? Mıllıardtap jep, urlap jatqanda 42500 teńge suraısyń dep renjýi jumsaq aıtqanda aqymaqtyq.
Ekinshiden, ol 42500 teńgeni óz qaltasynan shyǵaryp berip jatqan joq. Bıýdjetten, áleýmenttik qordan, halyq aqshasynan berip jatyr.
Úshinshiden, joǵary jalaqy alatyndar da kóppen birge áleýmenttik qorǵa aqsha tólep jatyr. Jáne tómen jalaqy alatyndarǵa qaraǵanda kóbirek soma tólep jatyr. Sondyqtan olar da áleýmenttik qordan óz úlesin alýǵa qaqy bar. Aqshasy barlar, kópter qorǵa aqsha salady, ony qajet kezinde aqshasy azdar men joqtarǵa beredi degen zań joq.
Tórtinshiden, joǵary jalaqy alatyndarǵa renjıtindeı olar joǵarǵy jalaqy alǵanyna kináli me? Mundaı kózqaras adamdardy eńbek etýge, tabys tabýǵa umtyldyrýdyń ornyna ıjdıventtikke, parazıttikke jetelemeıdi me? "Úkimet óltirmeıdi" degen senim paıda bolmaıdy ma?
