"Asyl Arman" turǵyn úı kesheniniń 20 myńnan astam adamy qamaýda qaldy

3073
Adyrna.kz Telegram

Almaty oblysy, Qarasaı aýdanyna qarasty  20 myńnan astam halyq turatyn"Asyl Arman" turǵyn úı kesheni tolyqtaı karantınge jabyldy, dep habarlaıdy "Adyrna" portalynyń tilshisi. "Asyl Arman" turǵyn úı kesheni  Almaty qalasynyń dál irgesinde ornalasqan.

Qazir turǵyn úı kesheniniń aýmaǵy qorshaýǵa alynǵan. Áskerı qyzmetshiler kezekke qoıylyp, tártipti qadaǵalaýda.

Turǵyndardyń aıtýynsha,  20 myńǵa jýyq adam turǵyn úı jaǵdaıynda otyr. Basqarýshy kompanııa WhatsApp jelisimen "Asyl Arman" avtokólikter men jaıaý júrginshiler úshin tolyǵymen jabylady degen eskertý aqparatyn taratqan.

Habarlamada:  "Qurmetti qala turǵyndary! Koronavırýstyq ınfekııanyń taralýyna jol bermeý jáne qaýipsizdikti saqtaý maqsatynda ýákiletti organdar "Asyl Armandy" karantındi jabý týraly sheshim qabyldady. Halyqty azyq-túlikpen, birinshi kezekte qajetti taýarlarmen jáne medıınalyq qyzmettermen qamtamasyz etý boıynsha sharalar ázirlenýde.

Jalpy paıdalanylatyn oryndardy aldyn alý jáne dezınfekııalaý jónindegi sharalar kúsheıtiletin bolady. "Asyl Armanda" tirshilikti qamtamasyz etý nysandary úzdiksiz jumys isteıtin bolady.

Sizderden  sabyrlyq  tanytýyńyzdy suraımyz. Jumys berýshilerge karantınde ekenińizdi eskertińiz. Negizgi sharalar erteń naqtylanatyn bolady. Ózińizdi qorǵańyz, úıińizde bolyńyz", - delingen.

 

"Asyl Arman" turǵyn úı kesheninde 5 myńnan astam páter bar. Halqynyń 90 paıyzynan astamy Almaty qalasynda jumys isteıdi.

Aıta keteıik, 28 naýryzda karantın bir podezge ǵana  engizilgen.

Qazirgi málimet boıynsha,  "Asyl Arman" turǵyn úı kesheninde koronavırýs ınfekııasyn  juqtyrýdyń eki faktisi tirkeldi. Bul joly COVID-19 61 jastaǵy turǵynnan anyqtaldy. Alǵashqy juqtyrýshy 1995 jyly týylǵan júkti kelinshekten anyqtalǵan edi. Kelinshek Qarasaı aýdandyq aýrýhanasyna jiberilgen.

Pikirler