Qyzylorda oblysynda koronavirus jūqtyrǧan taǧy 6 adam tırkeldı. Qazır aimaqta ony jūqtyrǧan barlyǧy 24 adam bar, dep habarlaidy QazAqparat.
Būl turaly oblystyq Densaulyq saqtau basqarmasynyŋ basşysy Jaqsylyq Abdusametov öŋırlık kommunkikasiialar qyzmetınde ötken brifingte mälım ettı.
«Soŋǧy esep boiynşa Qyzylorda oblysynda koronavirus infeksiiasyn jūqtyrǧan nauqastar 24 adamdy qūraidy. Bügıngı tırkelgen nauqastardyŋ ekeuı – Qarmaqşydan şyqsa, ekeuı Jaŋaqorǧanda, bıreuı – Şielı audanynda anyqtaldy. Sondai-aq, bır adam oblys ortalyǧynan tırkeldı. Qarmaqşydaǧy bır nauqas Almaty qalasynan kelgenı belgılı bolyp otyr. Ekınşı nauqastyŋ qaidan jūqtyrǧany zerttelude. Al Jaŋaqorǧan audanyndaǧy ekı adam da infeksiiany būryn jūqtyrǧan nauqastarmen qarym-qatynasta bolǧandar. Şielı audanyndaǧy nauqastyŋ da jaǧdaiy soǧan ūqsas, būryn auyrǧan nauqaspen tyǧyz bailanysta bolǧan. Al, Qyzylorda qalasynda anyqtalǧan adam oblysta eŋ bırınşı anyqtalǧan nauqaspen qarym-qatynasta, tyǧyz bailanysta bolǧan», – dedı Jaqsylyq Abdusametov.
Basqarma basşysy oblys tūrǧyndarynyŋ saqtyq şaralaryna basa nazar audaru qajettgın aitady. Öitkenı, soŋǧy tırkelgen nauqastar būryn jūqtyrǧan adamdarmen qarym-qatynasta bolǧandar.
Būdan būryn Qyzylorda qalasy men Jaŋaqorǧan audany karantinge jabyldy.
Ūqsas jaŋalyqtar
