Qyrǵyzstanda koronavırýs juqtyrǵandar sany 12-ge jetti. 21 naýryzda Qyrǵyzstannyń densaýlyq saqtaý mınıstriniń orynbasary Tolo Isakov taǵy alty adamnan vırýs tabylǵanyn habarlady. Batken oblysy Batken aýdanynyń bir turǵyny, Jalalabad oblysy Sýzak aýdanynyń bes turǵynyna ınfekııa juqqan.
Isakovtyń aıtýynsha, oqshaýlanǵan naýqastar emdelip jatyr.
Qyrǵyzstanda 18 naýryzda alǵash ret úsh adamnan koronavırýs tabylǵan edi. Saýd Arabııasynan kelgen ushaq bortynda 144 adam bolǵan. Olar karantınge jatqyzyldy. 20 naýryzda Osh oblysy Nookat aýdanynan taǵy úsh adamnan tabyldy. Naýqastardyń jasy - 67, 71 jáne 77-de. Olarmen baılanysta bolǵan 169 adam dárigerler baqylaýyna alynǵan. Altaýy da Saýd Arabııasyna kishi qajylyqqa baryp kelgen. Bul jolaýshylarmen baılanysta bolǵan myńnan astam adam úı karantıninde nemese staıonarda jatyr.
Segiz naýqas anyqtalǵan Qyrǵyzstannyń Sýzak aýdanynda tótenshe jaǵdaı jarııalanǵan.
21 naýryz kúngi derek boıynsha, álemde koronavırýs juqtyrǵandar sany 265 myńǵa jetken. Vırýstan kóz jumǵandar sany 11 200-den asty. 90 myńnan astam adam aıyqqan.
