Italııada bir kúnde koronavırýstan 427 azamat qaıtys boldy. El boıynsha jalpy sany 3405 azamat ómirimen qosh aıtysty.
Bizde Almaty men Astanadan asyp Qaraǵandyǵa jetti.
Osy oraıda elde taraǵan aqparattardyń ishindegi eki nársege nazar aýdarǵym keledi:
1. Koronavırýs Qytaıdan alǵash shyqqanda "Bul jaratýshynyń Qytaıǵa musylmandardy qyrǵany úshin jibergen jazasy" dedi.
2. Qazir elimizge koronavırýs kelgende "Bul endi bıliktiń arnaıy áreketi. Jaqynda prezıdent aýysady" degen sarapshylar shyqty.
Osyǵan senetin, indetti kóńilge almaı júrgen qanshama halyq bar. Osy tektes aqparat taratýshy analıtıkterden men suraǵym keletin bir ǵana suraq bar. Bastaryń isteı ma senderdiń? Qaıdan shyǵady osyndaı analıtıkter?
Basqa-basqa elde tótenshe jaǵdaı oryn alyp jatqanda saıası ózgeris bolmaıdy. Tótenshe jaǵdaı ýaqyty bitken kúni qozǵasańdar bir sári. Eldi beıqam ustaýǵa sendiretin jalǵan aqparat taratý halyqqa qarsy qylmys dep bilemin. Koronavırýstyń qaýipti ekenin sezý úshin Italııadaǵydaı kúnine 427 qazaq ketýi kerek pe? Qudaı aıtqan jerden aýlaq qylsyn.
Negizi ekiniń biri analıtık bolǵan zamanda ómir súrip jatyrmyz ǵoı. Biraq bul degen sóz árkimniń sandyraǵyna erý degendi bildirmeıdi. Aqylǵa toqtap esimizdi jınaýymyz qajet.
