Ulttyq bank pen KASE teńge baǵamy týraly málimdeme jasady.
Habarlamada ótken táýlikte jahandyq qarjy naryqtaryndaǵy jaǵdaı aıtarlyqtaı qubylǵan.
Osy jaǵdaılarda ishki valıýta naryǵyna syrtqy faktorlardyń turaqsyzdandyratyn áserin shekteý úshin jáne Qazaqstan Respýblıkasynyń qarjylyq turaqtylyǵyn qamtamasyz etýge járdemdesý maqsatynda Ulttyq bank "Qazaqstan qor bırjasy" AQ-men birlesip, Frankfýrt aýkıony nysanynda 2020 jylǵy 19 jáne 20 naýryzda teńge-dollar valıýtalyq juby boıynsha saýda-sattyq ótkizý týraly sheshim qabyldady. Frankfýrt aýkıony túrindegi saýda-sattyq ótkizý týraly sheshim klıentterdiń ótinishin qanaǵattandyrýǵa jáne valıýta naryǵyndaǵy jaǵdaıdyń turaqsyzdyǵyna jol bermeýge múmkindik beredi", - delingen habarlamada.
Saýda-sattyqtyń odan ári rejımi týraly aqparat keıinirek beriledi.
Buǵan deıin Nur-sultan men Almatynyń aıyrbastaý oryndarynyń kópshiligi dollar satýdan bas tartqany habarlanǵan. Keıbir valıýta aıyrbastaý oryndarynda bir dollarǵa 482 teńge baǵasyn belgilege bolatyn.
