Úkimet Nur-Sultan men Almaty qalalaryndaǵy karantındik shekteýler kimge qoıylmaıtyndyǵyn túsindirdi
Qala mańynda turatyn jáne Nur-Sultan men Almatyda jumys isteıtin turǵyndar qalaǵa karantın kezinde kele alady.
Karantın kezinde Nur-Sultan men Almaty qalalaryna kim kire alatyndyǵyn QR Premer-Mınıstriniń baspasóz qyzmeti túsindirdi.
19 naýryz saǵat 00.00-den bastap engizilgen Nur-Sultan jáne Almaty qalalarynyń aýmaǵynda adamdardyń kirip-shyǵýyna qatysty shekteý adamdardyń jekelegen sanattary úshin erekshelikterdi qarastyrady.
Olar mynalardy qamtıdy:
- bunyń aldynda qaladan ketken Nur-Sultan jáne Almaty qalalarynyń turǵyndary qalaǵa oralǵan kezde;
- qalaǵa buryn kelgen basqa qalalardyń turǵyndary qaladan shyqqan kezde;
- bunyń aldynda shetelge ketken Qazaqstan Respýblıkasynyń azamattary (Qazaqstan Respýblıkasyna oralǵanda);
- osyǵan deıin Qazaqstan Respýblıkasynyń aýmaǵyna kelgen sheteldikter elden ketý úshin jáne odan ári áýe kemesimen qaıtý maqsatynda;
- sheteldikter (azamattyǵy joq adamdar), Qazaqstan Respýblıkasynyń aýmaǵynda turýǵa ruqsatnama ıeleri;
- osyǵan deıin shet memlekettiń aýmaǵyna ketken QR azamattary Qazaqstan Respýblıkasyna oralǵannan keıin;
- shetelge emdelýge ketkin QR azamattary densaýlyq saqtaý mekemeleriniń rastaıtyn qujattaryn kórsetken jaǵdaıda;
- eldiń jáne shet memleketterdiń dıplomatııalyq qyzmetiniń qyzmetkerleri jáne olardyń otbasy músheleri, sondaı-aq Qazaqstan Respýblıkasy Syrtqy ister mınıstrliginiń shaqyrýy boıynsha Qazaqstanǵa is-saparmen kelgen shet memleketter delegaııalary men halyqaralyq uıymdardyń músheleri;
- poezdar men lokomotıv brıgadalarynyń músheleri, sondaı-aq temirjol kóligimen tasymaldaý proessterine qatysatyn adamdar, áýe kemeleri, keme ekıpajdary, halyqaralyq júk tasymalymen aınalysatyn júk kóligi júrgizýshileri;
- QR azamattarynyń otbasy músheleri bolyp tabylatyn sheteldikter (otbasylyq baılanys faktisi rastalǵan jaǵdaıda – jubaıy, olardyń ata-analary jáne balalary);
- Almaty jáne Nur-Sultan qalalarynyń mańynda turatyn ári qalada jumys isteıtin turǵyndar;
- áýe jáne temirjol tranzıtimen júrgen QR azamattary;
- Covid-19-ǵa qarsy is-qımyl jóninde qalalyq shtab jeke qarastyratyn basqa erekshe jaǵdaılar;
19 naýryzdan bastap, Nur Sultan men Almaty qalalarynda koronavırýstyń taralýyna baılanysty karantın jarııalanady. Atqarylatyn negizgi is-sharalardyń biri – adamdardyń qozǵalysyn shekteý.
Búgingi tańda Qazaqstanda koronavırýstyń 35 jaǵdaıy tirkelgendigi rastaldy, onyń 15-i Almatyda, 18-i Nur-Sultanda.
