Lombard-bankter tótenshe jaǵdaıda aıyppul men ósimpul sala almaıdy

2205
Adyrna.kz Telegram
Sýret : kaluganews.ru17

QR Prezıdenti Qasym-Jomart Toqaevtyń bıyl 13 naýryzda jedel shtabtyń otyrysynda bergen tapsyrmalaryn iske asyrý sheńberinde, tótenshe jaǵdaı rejıminiń áserin jumsartý úshin QR Qarjy naryǵyn retteý jáne damytý agenttigi Qazaqstan Respýblıkasynyń Ulttyq Bankimen birlesip qarjy júıesiniń turaqtylyǵyn jáne qarjylyq qyzmetterdi tutynýshylardyń quqyqtaryn qorǵaýdy qamtamasyz etý boıynsha sharalar keshenin ázirledi, dep habarlaıdy zakon.kz.

Bul týraly búgin Agenttik Tóraǵasy Mádına Ábilqasymova QR Úkimetiniń otyrysynda "Tótenshe jaǵdaıdyń engizilýine jáne álemdik qarjy naryqtaryndaǵy ahýaldyń ózgerýine baılanysty makroprýdenııalyq retteýdiń ýaqytsha sharalary týraly" degen baıandamamen sóz sóılegen kezde habarlady.

Birinshi shara qarjy júıesiniń turaqtylyǵyna baǵyttalǵan.

"Qazirgi ýaqytta Qazaqstan qarjy júıesindegi jaǵdaı turaqty. Shoǵyrlandyrylǵan negizde ekinshi deńgeıdegi bankterdiń úzdiksiz qyzmetti qamtamasyz etý jáne banktik qyzmetterdiń tolyq tizbesin kórsetý úshin menshikti kapıtaly men ótimdiliginiń edáýir qory bar. Bankterdiń salymshylary úshin táýekelder joq. Aktıvter sapasyn táýelsiz baǵalaý nátıjeleri boıynsha retteýshilik mınımýmǵa qatysty k1 kapıtaly jetkiliktiliginiń asyp ketýi túzetýlerdi eskere otyryp 70%-dy quraıdy. Agenttik bankterdiń taýar jáne qarjy naryqtaryndaǵy áleýetti kúızelisterge ornyqtylyǵyn anyqtaý úshin júıelik deńgeıde jáne bankter boıynsha jeke alǵanda bank júıesin stress-testileý jumysyn júrgizýde", - dep habarlady qarjy retteýshisiniń basshysy.

Aǵymdaǵy jylǵy 30 naýryzǵa deıin aktıvterdiń sapasyn táýelsiz baǵalaý nátıjeleri boıynsha bankterdiń túzetý is-qımyl josparlary qabyldanady. Bul rette, ózgergen ekonomıkalyq jaǵdaılardy nazarǵa ala otyryp, 2020 jylǵy 1 qazanǵa deıin provızııalardy esepteý tásilderin qatańdatatyn birqatar retteýshilik sharalardy engizý keıinge qaldyrylady, - dep atap ótti M. Ábilqasymova.

2020 jylǵy 1 sáýir – 1 qazan aralyǵynda Qazaqstan Respýblıkasynyń Qarjy naryǵyn retteý jáne damytý agenttigi Qazaqstan bıznesin kredıtteý deńgeıin tómendetýge jol bermeý boıynsha sharalar qabyldaıdy.

"Aǵymdaǵy jylǵy 1 sáýir – 1 qazan aralyǵynda Qazaqstan bıznesin kredıtteý deńgeıin tómendetýdi boldyrmaýǵa baǵyttalǵan prýdenııalyq retteýdiń ýaqytsha sharalary qabyldanatyn bolady. Bul retteý sharalarynyń kontrıkldyq sıpaty bar jáne olar bankterdiń kapıtaly men ótimdiligine qysymdy tómendetýge baǵyttalǵan", - dep atap ótti Agenttik basshysy.

Ol úshin Agenttik bıznesti qoldaýdyń, memlekettik-jekeshelik áriptestiktiń memlekettik baǵdarlamalary sheńberinde jobalardy qarjylandyrǵan kezde turaqty kepilder tizbesin keńeıtedi jáne ShOB, MJÁ kredıtteri jáne sındıkattalǵan kredıtter boıynsha tómendetilgen táýekel-saralaýdy engizedi. Sonymen qatar tótenshe jaǵdaıdyń engizilýine baılanysty qaryz boıynsha tólemdi keıinge shegerý retteýshilik talaptar boıynsha qunsyzdaný men provızııalaýdy talap etpeıdi.

Bul normalardy qoldaný ekonomıkany kredıtteý úshin 168 mlrd teńge mólsherinde menshikti kapıtaldy qosymsha bosatýǵa múmkindik beredi.

"Bankterdiń ótimdiligin saqtaý jáne turaqty qorlandyrýyn qoldaý úshin ótimdiligi joǵary dep tanylatyn aktıvter tizbesi keńeıtiledi. Sonymen birge bankterdiń valıýtalyq táýekelderin tómendetý úshin uzaq valıýtalyq pozıııa lımıti jáne netto-valıýtalyq pozıııa lımıti tómendetiledi" - dedi M. Ábilqasymova. - Qor jáne saqtandyrý naryqtarynyń sýbektileri úshin keri REPO operaııalary boıynsha táýekel-saralaý koeffııentteri tómendetiledi. NQA-ǵa tıisti túzetýler daıyndaldy jáne aǵymdaǵy jylǵy 30 naýryzdan bastap qoldanysqa engiziledi. 2020 jylǵy 16 naýryzdan bastap Agenttik bankterge halyqtyń jańadan tartylatyn teńgemen depozıtteri jáne qoldanystaǵy jınaq depozıtteri boıynsha stavkalardy QDKQ barynsha usynǵan stavkalardyń ózgeristerine barabar arttyrýdy usynady".

Qazaqstanda jeke tulǵalardyń tutynýshylyq qaryzdary boıynsha 90 kúnnen astam merzimi ótken kezde syıaqy esepteýge tyıym salýdy engizedi

Qazaqstan Respýblıkasynyń Prezıdenti Q.K. Toqaevtyń Úkimettiń a.j. 24 qańtardaǵy keńeıtilgen otyrysynda bergen, kepilsiz tutynýshylyq kredıtteýdiń shamadan tys ósýine jol bermeý boıynsha tapsyrmasyn iske asyrý sheńberinde, tótenshe jaǵdaı kezeńinde jáne budan ári zańnamalyq deńgeıde jeke tulǵalardyń barlyq kepilsiz tutynýshylyq qaryzdary boıynsha 90 kúnnen astam merzimi ótken kezde syıaqy esepteýge tyıym salý engiziledi. Bul týraly búgin Agenttik Tóraǵasy Mádına Ábilqasymova QR Úkimetiniń otyrysynda baıandama jasaǵan kezde habarlady.

"Jeke tulǵalardyń kredıttik tarıhyn qalpyna keltirý úshin, 50%-dan astam merzimi ótken bereshekti 12 aıda ótegen jáne mindettemelerdi keıinnen oryndaǵan jaǵdaıda qaryz alýshy úshin jaǵymsyz kredıttik tarıhty túzetý boıynsha múmkindik kózdeledi" - dep habarlady M. Ábilqasymova.

Qarjy retteýshisiniń basshysy koronavırýsqa baılanysty halyq pen bızneske boryshtyq júktemeniń ósýin azaıtý sharalary týraly aıtyp berdi.

2020 jylǵy 16 naýryz – 15 sáýir aralyǵyndaǵy kezeńde Qazaqstan Respýblıkasynyń búkil aýmaǵynda tótenshe jaǵdaıdyń engizilýine jáne ekonomıkanyń jekelegen salalaryna qatysty shekteý sharalarynyń qoldanylýyna baılanysty halyq pen shaǵyn jáne orta kásipkerlik sýbektileriniń qarjylyq jaı-kúıiniń nasharlaýyna jol bermeý jóninde qosymsha sharalar qabyldaý qajet. Bul týraly búgin Agenttik Tóraǵasy Mádına Ábilqasymova QR Úkimetiniń otyrysynda baıandama jasaǵan kezde habarlady.

Agenttik ekinshi deńgeıdegi banktermen jáne kredıt naryǵynyń basqa da sýbektilerimen, sondaı-aq "Qazaqstan qarjygerleriniń qaýymdastyǵy" ZTB-men birlesip mynadaı sharalar qabyldaýdy usynady.

"Birinshiden, Qazaqstan Respýblıkasy Azamattyq kodeksiniń 359-babyna sáıkes kredıt boıynsha mindettemesin oryndamaǵan qaryz alýshy boı bermeıtin kúsh mán-jaılary, ıaǵnı tótenshe jáne toıtarýǵa bolmaıtyn mán-jaılar bolǵan kezde múliktik jaýapkershilik atqarmaıdy. Mundaı mán-jaılarǵa tótenshe jaǵdaı rejıminiń engizilýi jatady" - dep habarlady ol.

"Soǵan baılanysty, jeke jáne zańdy tulǵalardyń qaryzdary men mıkrokredıtteri boıynsha tólemder merziminiń ótýi tótenshe jaǵdaıdyń engizilýine baılanysty týyndaǵan kezde aıyppuldar men ósimpuldar eseptelmeýge tıis. Bul norma jeke jáne zańdy tulǵalarǵa bankter ǵana emes, lombardtardy jáne kredıttik seriktestikterdi, sondaı-aq qaryz beretin barlyq kredıtorlardy qosa alǵanda, barlyq mıkroqarjy uıymdary bergen qaryzdarǵa qoldanylatyn bolady. Ekinshiden, "Qazaqstan Respýblıkasyndaǵy bankter jáne bank qyzmeti týraly" Qazaqstan Respýblıkasy Zańynyń 34-babynyń 3-tarmaǵyna jáne "Mıkroqarjylyq qyzmet týraly" Qazaqstan Respýblıkasy Zańynyń 3-babynyń 6-tarmaǵyna sáıkes kredıtorlar shart talaptaryn qaryz alýshy úshin jaqsartqan jaǵdaıda olardy birjaqty tártippen ózgertýge quqyly. Osyǵan oraı, bankter jáne mıkroqarjy uıymdary tótenshe jaǵdaıdyń engizilýine baılanysty qarjylyq jaǵdaıy nasharlaǵan dara kásipkerler men shaǵyn jáne orta bıznes sýbektilerine negizgi borysh pen syıaqyny qosa alǵanda, tólemder merzimin 90 kúnge deıingi merzimge keıinge qaldyrý jumysyn júrgizýge tıis" - dep qorytyndylady M. Ábilqasymova.

Bankter men kredıt naryǵynyń basqa da sýbektileri atalǵan sharalardy halyq pen bızneske qolaıly bolý úshin barynsha qashyqtan qatynas jasaý nysanynda iske asyrý úshin qaryz alýshylarmen ózara is-qımyl jasaýdyń tártibi men tetikterin aıqyndaıdy.

Agenttik Úkimetpen birlesip memlekettik baǵdarlamalar – Qarapaıym zattar ekonomıkasy jáne Bıznestiń jol kartasy-2020 sheńberinde ekonomıkany kredıtteýdi qoldaý sharalaryn pysyqtaýda.

Agenttik qarjy naryǵyndaǵy ahýalǵa kúsheıtilgen monıtorıngti jalǵastyrady jáne kórsetilgen sharalardy iske asyrýǵa baqylaýdy qamtamasyz etedi.

"Zakon.kz

Pikirler