Dúnıejúzilik densaýlyq saqtaý uıymy (DDU) jańa koronavırýsty pandemııa dep jarııalady. Bul týraly Jenevadaǵy brıfıngte uıymnyń Bas dırektory Tedros Adhan Gebreıesýs málimdedi, - dep habarlaıdy Tengrinews.kz tilshisi.
"Biz COVID-19 pandemııa retinde sıpattalýy múmkin degen baǵalaýǵa keldik", - delingen Twitter-degi DDU betinde.
Eske salaıyq, pandemııa - bul álemdik aýqymdaǵy jańa aýrýdyń taralýy. Ádette pandemııa búkil halyqtyń edáýir bóligin zaqymdaıtyn jappaı sıpat alǵan aýrýdy bildiredi.
11 naýryzdaǵy jaǵdaı boıynsha jańa koronavırýs COVID-19 juqtyrýdyń jalpy sany 118 elde 121 564 adamdy qurady. 4373 adam qaıtys boldy.
