Qazaqstan Prezidentı Qasym-Jomart Toqaev elımızdegı ekonomikalyq ahual jönınde keŋes ötkızdı, - dep habarlaidy Aqorda saity.
Bügın Qazaqstan Prezidentı Qasym-Jomart Toqaev Ükımettıŋ jäne Memleket basşysyna tıkelei baǧynyşty organdardyŋ jetekşılerımen keŋes ötkızdı. Onda älemdegı qarjylyq-ekonomikalyq ahual jäne onyŋ Qazaqstan ekonomikasyna äserı jönınde mäseleler talqylandy.
Prezident Ükımetke, Ūlttyq bankke jäne basqa da memlekettık organdarǧa bırqatar naqty tapsyrma berdı. Basty tapsyrma - memlekettıŋ halyq aldyndaǧy barlyq äleumettık mındettemelerın tolyq kölemde oryndau.
Qasym-Jomart Toqaevtyŋ tapsyrmasy boiynşa, Premer-Ministrdıŋ tıkelei basşylyǧymen Şūǧyl äreket etu ştaby qūryldy. Daǧdarysqa qarsy ıs-qimyldar jospary äzırlenedı, ırı käsıporyndarda halyqty jūmyspen qamtuǧa qoldau körsetu jönınde arnaiy jospar daiyndalady. Prezident halyqty mümkındıgınşe köbırek jūmyspen qamtu mäselesın asa maŋyzdy dep sanaidy. Ükımet 2020-2022 jyldarǧa arnalǧan respublikalyq biudjettı naqtylau jönınde ūsynys engızedı. Memleket basşysy biudjet şyǧyndaryn qysqartu, öŋırlerde halyqty jūmyspen qamtamasyz etu, elımızdıŋ qarjy-valiutalyq naryǧyn tūraqtandyru, respublikalyq jäne jergılıktı biudjetterdı oŋtailandyru boiynşa şaralar qabyldau qajettıgın aitty.
Ūqsas jaŋalyqtar
